«Աստղիկ» բժշկական կենտրոնից նետված տղամարդու ինքնասպանության պատճառը. Նա հիվանդասենյակում կնոջ հետ է եղել          Ուղղաթիռը ղեկավարում էր փորձառու սպան, պայթյունի պահին 2 ուղևորները բարձրությունից ընկել են. ողջ մնացածները պատմում են Ադրբեջանում կործանված ուղղաթիռի մասին       Էս ի՞նչ է կատարվում, Ստալի՞ն ես դառել, Նիկո՛լ, ով ես դու արա, չես մարսելու այս ապօրինի կալանավորումներն ու դավադրությունները    

21 սեպ 2018 20:10

Նիկոլ Փաշինյանը փաստացի հանրաքվե է հայտարարել

Սեպտեմբերի 20-ին վարչապետ Նիկոլ Փաշինյանը Իմ քայլը դաշինքի նախընտրական հանդիպման ժամանակ սեպտեմբերի 23-ին կայանալիք Երեւանի ավագանու ընտրությունները փաստացի հայտարարել է խորհրդարանի արձակման «հանրաքվե»: «Իմ քայլը դաշինքի օգտին քվեարկելով, դուք քվեարկելու եք ներկայիս խորհրդարանը լուծարելու եւ արտահերթ ընտրությունների օգտին», հայտարարել էր Փաշինյանը:
Մամուլում պարբերաբար տեղեկություն է հրապարակվում, որ Փաշինյանն իր դաշինքի աներկբա հաղթանակի դեպքում հրաժարական կտա, կհասնի խորհրդարանի լուծարմանը եւ երկիրը կտանի արտահերթ ընտրությունների: Եթե Երեւանի ընտրություններում հաղթանակը ջախջախիչ չլինի, առավել եւս, եթե մյուս կուսակցություններն ավելի շատ ձայն ստանան, խորհրդարանական արտահերթ ընտրությունները կարող են հարցականի տակ հայտնվել:
Խորհրդարանի «խաղաղ» արձակումը կարող է տեղի ունենալ, եթե ՀՀԿ-ն ու ԲՀԿ-ն պայմանավորվեն ու երկու անգամ նոր վարչապետ չընտրեն: Խորհրդարանի խոսնակ, հանրապետական Արա Բաբլոյանը, մեկնաբանելով վարչապետ Նիկոլ Փաշինյանի հայտարարությունը, ասել է, որ խորհրդարանի արձակումը չի կարող մեկ մարդու որոշման կամ ցանկության արդյունք լինել: Դա կարող է տեղի ունենալ միայն քաղաքական ուժերի հետ քննարկման արդյունքում: «Եթե քաղաքական ուժերը գան այդպիսի համաձայնության, այդ ժամանակ կգնանք այդ քայլին», – ասել է նա:
Ավելի վաղ Բաբլոյանը եւ Փաշինյանը հանդիպել էին ու հանդիպման արդյունքով հաստատել, որ արտահերթ ընտրությունները պետք է կայանան մեկ տարվա ընթացքում: Ընդ որում, փաստացի կանգնեցվեց անցումային արդարադատության ու սահմանադրական փոփոխությունների գործընթացը: Կողմերը պայմանավորվեցին բանակցություններ սկսել:
Ինչ վերաբերում է ԲՀԿ-ին, քաղաքապետի թեկնածու Նաիրա Զոհրաբյանը հայտարարել է, որ մրցակիցների հանդեպ Իմ քայլի նման վերաբերմունքի պայմաններում ԲՀԿ-ն կարող է կողմ չքվեարկել խորհրդարանի արձակմանը: Կուսակցությունները, սակայն, որոշել են չգնալ բաց առճակատման, եւ արդեն երեկ Նաիրա Զոհրաբյանն ասել է, որ իրենք, իհարկե, կողմ կքվեարկեն խորհրդարանի արձակմանը: Դրանով հանդերձ նա ասել է. «Հերիք է շանտաժ անեն ժողովրդով։ Մենք նման հարց չենք քննարկել, քանի որ ԱԺ–ում նման նախագիծ չկա։»
Ժողովուրդը լսել է Նիկոլ Փաշինյանի ուղերձը, եւ շատերը կգնան քվեարկելու խորհրդարանի արձակման համար, բայց վերջնական արդյունքը դժվար է կանխատեսել:
Ընտրությունների օրը քվեարկելուց անմիջապես հետո Նիկոլ Փաշինյանը կմեկնի ԱՄՆ, որտեղ ելույթ կունենա ՄԱԿ ամբիոնից: Հայ ղեկավարները հենց ՄԱԿ ամբիոնից են հնչեցրել հայ-թուրքական հարաբերությունների, Արցախի ինքնորոշման ռազմավարությունը, իսկ այս անգամ Նիկոլ Փաշինյանը, հնարավոր է, հայտարարի արտաքին ու ներքին քաղաքականության ինքնիշխանացման մասին:
Դրանից հետո հնարավոր կլինի ցրել խորհրդարանը:
Աղբյուր` lragir.am

Մեկնաբանություններ

Համընկնող լուրեր