Սերժ Սարգսյանի ինքնասիրահարվածությունը ՀՀԿ-ին տարավ վերջնական կործանման. Հայկ Խանումյան
Արցախի ԱԺ ընդդիմադիր պատգամավոր Հայկ Խանումյանը Facebook-ի իր էջում գրել է․«Սերժ Սարգսյանի ինքնասիրահարվածությունը ՀՀԿ-ին տարավ վերջնական կործանման: Նախ վարչապետի պաշտոնին առաջադրվելով, ինչը բերեց հեղափոխության, ապա մայիսի 1-ին «պոզեր» ցույց տալով և վերջում դեկտեմբերյան արտահերթին ընդդիմանալու փորձ անելով՝ Սերժը հանրապետականի համար քաղաքական դաշտում մնալու որևէ շանս չթողեց:
Այս պարագայում բնական է բազմաթիվ պատգամավորների կողմից կուսակցությունն ու խմբակցությունը լքելու քայլը: Մարդիկ պարտավոր չեն ամբողջ կյանքն ինչ-որ ինքնասիրահարված տգետի գերին մնալու և նրանց մեծ մասը վստահաբար կցանկանար ապրել այլ արժեքներով և խաղի կանոններով, քան Սերժն է սահմանել»:
