Տեսանյութ.Խավարման կարգ` ի հիշատակ Քրիստոսի մատնության և չարչարանքների          Մարտի 29-ին կդադարեցվի հետևյալ հասցեների ջրամատակարարումը       Տեսանյութ.Ավագ Հինգշաբթի՝ Սուրբ Հաղորդության խորհրդի հաստատում, Խորհրդավոր ընթրիք    

23 հոկ 2018 21:13

Հանրապետականները Փաշինյանի հետ առևտուր են անելու մինչև վերջ

Հանրապետականները Փաշինյանի հետ առևտուր են անելու մինչև վերջԻշխանությունները կրկին կարող են դիմել հոկտեմբերի 2-ի սցենարին, որպեսզի ստիպեն ՀՀԿ–ին կողմ քվեարկել ընտրական նոր օրենսգրքին։
Այն, որ ՀՀԿ խմբակցությունը հրաժարվել է սատարել կառավարության աջակցած նոր ԸՕ–ին վկայում է այն մասին, որ հանրապետականները ձգտում են իշխանության հետ քաղաքական առևտուր անել։ Sputnik Արմենիայի հետ զրույցում նման կարծիք հայտնեց քաղտեխնոլոգ Վիգեն Հակոբյանը։
«Այն, որ ընտրություններն անխուսափելի են, ընդունում են նաև հանրապետականները։ Սակայն ԸՕ շուրջ քննարկումները լավ առիթ են առաջիկա խորհրդարանական ընտրություններից առաջ սկսել քաղաքական առևտուրը։ Սա լավ հարթակ է, որպեսզի բացահայտ կամ ոչ բացահայտ պայմանավորվել խաղի կանոնների շուրջ», – ասաց փորձագետը։
Միևնույն ժամանակ Հակոբյանը կարծում է, որ իշխանությունները` ԸՕ փոփոխությունների նախագիծը քննարկման հանելու ևս մեկ հնարավորություն կունենան (նյութը պատրաստելու ժամանակ արդեն հայտնի դարձավ կրկին նիստ անցկացնելու մասին – խմբ.)։
«Կարծում եմ, որ հին օրենսգրքով ընտրությունների գնալ ձեռնտու չէ հանրապետականներին։ Իրավիճակի բավականին կտրուկ փոփոխություն է եղել։ Կասկածում եմ, որ ռեյտինգայինի պահպանման պարագայում նախապատվությունը կտրվի հանրապետականներին», – ավելացրեց նա։
Հակոբյանը չի բացառում, որ եթե իշխանության համար շատ սկզբունքային լինի նոր օրենսգրքի ընդունումը, իշխանությունները կկրկնեն հոկտեմբերի 2-ի սցենարը, այսինքն՝ զանագվածներ հավաքեն։

Միևնույն ժամանակ տարաձայնություններ կան նաև Նիկոլ Փաշինյանի թիմում, փաստում է Հակոբյանը։ Այդ մասին կարող է վկայել նոր օրենսգրքի նախագիծը մշակող աշխատանքային խմբի անդամ, «Իրազեկ քաղաքացիների միավորում» ՀԿ նախագահ Դանիել Իոնիսյանի հայտարարությունը։  Ավելի վաղ նա ասել էր, որ նոր ԸՕ–ի քվեարկությունը տապալելու համար պատասխանատու է նաև գործադիր իշխանությունը։
Հակոբյանի կարծիքով` իշխանության եկած քաղաքական թիմը բավականին բազմազան է։ «Հեղափոխական» թիմը բաղկացած է տարբեր սեգմենտններից, որոնք ժամանակին օգնել են Փաշինյանին և փոխարենը ստացել այս կամ այն իշխանական լծակները։
Նրանցից շատերն այժմ մտավախություն ունեն, որ ընտրությունից հետո կարող են վերաբաշխումներ լինել։ Ինչով էլ կարող են պայմանավորված լինել այդ տարաձայնությունները։
Հիշեցնենք, որ հոկտեմբերի 22-ին ՀՀԿ խմբակցությունը տապալել է ԸՕ փոփոխությունների քվեարկությունը` հրաժարվելով մասնակցել նիստին։ Այդպիսով քվորում չի ապահովվել։ Նիստին չեն մասնակցել նաև ԲՀԿ և ՀՅԴ որոշ անդամներ։ Հայաստանի վարչապետի պաշտոնակատար Նիկոլ Փաշինյանը ՀՀԿ–ի գործողությունները սաբոտաժ է անվանել։ Միևնույն ժամանակ վարչապետի պաշտոնակատարը հայտարարել էր, որ քվեարկության տապալումը ցույց տվեց, որ արտահերթ խորհրդարանական ընտրություններն անխուսափելի են։


Մեկնաբանություններ


Համընկնող լուրեր