Փոխադարձ համաձայնություն են հայտնել՝ շարունակել քննարկումները բաց մնացած հարցերի վերաբերյալ          Տեսանյութ.3 անչափահաս երեխայիս վերցնեմ, ո՞ւր գնամ, մեզ իրավունք տվեք ապրել․ Մասիվում «կոլցո» օպերացիա է. տներ են քանդվելու       Արցախը տալիս եք թուրքին, ՀՀ-ն տալիս եք ինձ, սա է մեզ արված առաջարկը.Հիմա ի՞նչ անենք երկրո՞րդն էլ տանք, թե՞ քայլ անենք    

30 հոկ 2018 13:29

Ջոն Բոլթոնի տարածաշրջանային այցի թիրախն Ադրբեջանն էր.ԱՄՆ-ն Ադրբեջանի վրա ճնշումներ է գործադրել

Ջոն Բոլթոնի տարածաշրջանային այցի թիրախն Ադրբեջանն էր.ԱՄՆ-ն Ադրբեջանի վրա ճնշումներ է գործադրելԱՄՆ նախագահի Ազգային անվտանգության հարցերով խորհրդականի տարածաշրջան կատարած այցի թիրախն Ադրբեջանն էր: Հոկտեմբերի 30-ին տեղի ունեցած մամուլի ասուլիսի ընթացքում այսպիսի կարծիք հայտնեց Արևելագիտության ինստիտուտի տնօրեն, քաղաքագետ Ռուբեն Սաֆրաստյանը:
«Ջոն Բոլթոնի տարածաշրջան կատարած այցի հիմնական թիրախն Ադրբեջանն էր, որովհետև, ըստ էության, Վրաստանի պարագայում ամեն ինչ հստակ է, Հայաստանի նկատմամբ ԱՄՆ նոր վարչակազմը դեռևս հստակ դիրքորոշում չունի, իսկ Ադրբեջանի հետ կապված Միացյալ Նահանգները ծրագրեր ունեն հատկապես Իրանի վրա ճնշումներ գործադրելու տեսանկյունից»,- ասաց Սաֆրաստյանը:
Քաղաքագետի խոսքով` ԱՄՆ-ն փորձելու է Ադրբեջանի միջոցով սահմանափակել Իրանի հնարավորությունները:
«Կարծում եմ, Բոլթոնի այցի ընթացքում ԱՄՆ-ն Ադրբեջանի վրա ճնշումներ է գործադրել, որպեսզի վերջինիս միջոցով սահմանափակի Իրանի հնարավորությունները, քանի որ Ադրբեջանը Իրանի հետ ռազմավարական ծրագրեր է իրականացնում»,- նշեց քաղաքագետը:
Ռուբեն Սաֆրաստյանի կարծիքով` Ամերիկայի Միացյալ Նահանգները նույն քաղաքականությունը չի վարի Հայաստանի պարագայում, որովհետև Հայաստանի ու Իրանի հարաբերություններն ԱՄՆ-ին այդքան էլ չեն հետաքրքրում:

Մեկնաբանություններ


Համընկնող լուրեր