Ֆրանսիայի դեղատներում պահպանակները հունվարի 1-ից կլինեն ձրի 18-25 տարեկան անձանց համար          Ալիևը հասկացել է, որ «Զանգեզուրի միջանցքի» բացման հնարավորություն չկա, իսկ եթե լեզուն շատ երկարացնի, պետք է իր տեղը ցույց տալ       Միջադեպից հետո ադրբեջանական ավտոշարասյունը կրկին գյուղով անցել է, խելոք անցել են, հավանաբար դաս է եղել հայ երիտասարդների պահվածքը    

07 նոյ 2018 12:39

«Ոնց ասում եմ, այնպես էլ արա, քննիչը ես եմ, ես գիտեմ».ահազանգ՝ քննիչի գործողությունների դեմ

«Ոնց ասում եմ, այնպես էլ արա, քննիչը ես եմ, ես գիտեմ».ահազանգ՝ քննիչի գործողությունների դեմՆոյեմբերի 6-ին, ՀՔԱ Վանաձորի գրասենյակ է դիմել Ստեփանավանի բնակիչ Սուսաննա Բարոյանը եւ հայտնել, որ քննիչ Էդուարդ Պողոսյանը, որը իրեն 2018թ. սեպտեմբերի 3-ին ձերբակալել է, Աբովյան ՔԿՀ-ից վերադառնալուց հետո հետապնդում է իրեն, անընդհատ զանգահարում, պահանջում անձնագիրը՝ պատճառաբանելով, թե այն պետք է մնա իրենց մոտ:
Այս առնչությամբ, ՀՔԱ Վանաձորի գրասենյակի տարածած հաղորդագրության մեջ նաեւ ասվում է. «Սուսաննա Բարոյանի փոխանցմամբ՝ քննիչը նաեւ սպառնում է, որ իր ասածները չանելու դեպքում նրան կձերբակալի եւ հոգեբուժարան կուղարկի:

Իր դիմումում նա հայտնել է, որ 2010թ.-ից մինչ օրս նման նախադեպեր եղել են:
Համաձայն Սուսաննա Բարոյանի դիմումի՝ երեկ առավոտյան եւս քննիչը զանգել է եւ ասել. «Այսօր քո ուրախության ու ազատության վերջին օրն է», որից հետո մեծ թվով ոստիկաններ են եկել իր տան մոտ եւ սկսել թակել դուռը, եւ նա, վախենալով, որ բերման կենթարկեն, փախել է տնից:
Սուսաննա Բարոյանը հայտնել է, որ իր ընտանիքը հետապնդումների է ենթարկվում, բնակարանը ապօրինի կալանքի տակ է, եւ երբ նա այդ հարցը բարձրացնում է, սպառնում են ձերբակալել ու հոգեբուժարան ուղարկել:
Քաղաքացին նույնաբովանդակ ահազանգ էր տվել նաեւ նախորդ օրը: Նա հայտնել էր, որ նույն քննիչը փողոցում հանդիպել է իրեն եւ ասել, որ գործը փակված չէ, եւ պետք է միասին Վանաձոր գնան այդ հարցով: Երբ Սուսաննա Բարոյանը պահանջել է պատշաճ ձեւով ծանուցել իրեն, քննիչը սպառնացել է, որ կխփի եւ ասել. «Ոնց ասում եմ, այնպես էլ արա, քննիչը ես եմ, ես գիտեմ»:
Այդ մասին Սուսաննա Բարոյանը ահազանգել է նաեւ Ոստիկանության թեժ գիծ:


Մեկնաբանություններ


Համընկնող լուրեր