22:00 - Օրվա խորհուրդ. Դեկտեմբերի 12         21:30 - Աստղացույցի 5 ամենավախեցնող նշանները      21:10 - Բավարարվածությո՞ւն, թե՞ անհանգստություն. ինչի մասին է վկայում դիրքը, որով սիրում եք քնել    

30 նոյ 2018 21:45

Տիգրան Պետրոսյանի վերջին ցանկությունը

Տիգրան Պետրոսյանի վերջին ցանկությունըԲարևի փոխարեն ասացին, որ շախմատի ֆեդերացիայի նախագահն է ինձ փնտրում: 
 
«Տիգրանի վիճակը շատ վատ է»,-ասաց Հայաստանի նախկին չեմպիոն, գիտելիք ընկերության նախագահ, Հայաստանում առաջին շախմատի դպրոցի հիմնադիր տնօրեն, աշխարհի 9-րդ չեմպիոնի մարտավկա և ընկեր Լորիս Քալաշյանը:
«Նոր հետը խոսեցի՝ Սևանի իշխան և տոլմա է ուզել, երեկոյան Մոսկվա եմ գնում, տոլմա արդեն պատվիրել եմ, արի դու գնա Սևան իշխան բեր»: 
-Երևանում էլ կա, ասացի: 
-Չէ, պայմանավորվել եմ, ուզում եմ ամենաթարմը:
 
Այսօր արդեն, երբ Տիգրան Պետրոսյանի նկարով հայկական 2000 դրամանոց է թողարկվում, սիրտս ուրախությամբ է լցվում, վերջապես կես դար անց Հայաստանում հասկացան, թե ինչ էր նշանակում 1963թ. երկաթե Տիգրանի՝ աշխարհի շախմատային թագը նվաճելը:
Մեծ հայը Հայաստանը ճանաչել տվեց, իսկ հայ մտավորականությունը, ոգևորված 1963, 1966թթ. նրա հաղթանակներով, պահանջատիրական ոգու ահեղ ձայն հնչեցրեց աշխարհով մեկ:
 
Տոլման ու իշխանը կարոտի խնդիրը լուծեցին, բայց ի զորու չէին փրկելու մեծ հային:
 
Չեմպիոնին Հայաստանում հուղարկավորելու բանակցությունները Հայաստանի գործող իշխանությունների հետ ապարդյուն էին, քանի որ կինը՝ Ռոնան համաձայն էր միայն Կոմիտասի այգու պանթեոնի տարբերակին: 
Տիգրան Պետրոսյանը իր հավիտենական հանգրվանը գտավ Մոսկվայի հայկական հանգստարանի  եկեղեցու բակում:
Հովիկ Խալիկյան

loading...

Մեկնաբանություններ

Համընկնող լուրեր