10:59 - Բակո Սահակյանը հեռանո՞ւմ է․ Արցախում հասունանում են արտահերթ զարգացումներ         10:43 - 8 ամիս պաշտոնավարող Նիկոլ Փաշինյանին մինչ այժմ պաշտոնապես չեն հրավիրել Ռուսաստան.«Հրապարակ»      10:22 - «Քցում է». Ծառուկյանը կարող է մեղադրվել խարդախության մեջ. «Ժամանակ»    

03 դեկ 2018 20:06

Տղամարդկանց համար նախատեսված հատուկ գելը կարող է փոխարինել պահպանակներին

Նոր գելը կարող է փոխարինել հայտնի համաբեղմնավորիչ միջոցներին՝ պահպանակներին ու վազէկտոմիային (տղամարդկանց ստերիլիզացիա)։
New York Post–ը հայտնում է, որ NES / T անունը կրող գելը պարունակում է Nestorone անվամբ հատուկ միացություն տեստոստերոնի համակցությամբ։ Գելը քսում են մեջքին ու ուսերին, որը մաշկն աստիճանաբար ներծծում է։
Գելում պարունակվող պրոգեստինն արգելակում է տեստոստերոնի արտադրությունն ամորձիներում՝ հասցնելով սերմնահեղուկի արտադրությունը ցածր կամ զրոյական մակարդակի։
Իր կողմից NES / T–ի մեկ այլ բաղադրիչը՝ տեստոստերոնն օգնում է պահպանել «սեքս–դրայվը» եւ այլ գործառույթները, որոնք կախված են արյան մեջ այդ հորմոնի մակարդակից։
Փորձարարական հետազոտությունը ֆինանսովորվում է Առողջապահության ազգային ինստիտուտի կողմից։ Դրանում ներառված կլինեն շուրջ 420 զույգեր. Նրանց համար գելը հակաբեղմնավորիչ միակ մեթոդը կլինի։ Կամավոր տղամարդիկ ամեն օր կօգտագործեն NES / T գելը որոշակի ժամանակահատվածի ընթացքում։
Միաժամանակ, փորձի ավարտից հետո 24 շաբաթվա ընթացքում տղամարդկանց նկատմամբ հսկողություն կիրականացվի, որը կօգնի հայտնաբերել կողմնակի ազդեցությունները։
Հետազոտությունները կանցկացվի LA BioMed–ում, Լոս Անջելեսում գտնվող Քալիֆորնիայի համալսարանում, Լոս Անջելեսի բժշկական կենտրոնում եւ Սիեթլում գտնվող Վաշինգթոնի համալսարանում։

loading...

Մեկնաբանություններ

Համընկնող լուրեր