Գյումրեցին լավություն մոռացող չէ
Շիրակի
մարզը իր լեզվա-մտածելակերպով մյուս բոլոր մարզերից էապես տարբերվում է: Շիրակցուն
մի փոքր լավություն անես, ամեն ինչ կանի տասնապատիկը վերադարձնի:Ֆելիքս
Ցոլակյանը, տարբեր տարիներ աշխատելով Շիրակում զանազան պաշտոնների, իր դրական հետքն
է թողել շիրակցու հոգու մեջ: Հատկապես մարզպետ եղած ժամանակ, կարևոր չէ դու ինչ իշխանության
մեջ ես, կամ ինչ կուսակցություն ես ներկայացնում, քո իրավասությունների ոլորտում միշտ
էլ կարող ես մարդ մնալ: Ամենակարևորը ժողովրդի հետ պետք է ազնիվ լինես, մատից փուշ
հանող լինես:
Նախորդ
խորհրդարանական ընտրություններին մարդիկ ասում էին, թե պարոն Ցոլակյան, մենք Ձեզ ձայն
կտանք, բայց հանրապետական կուսակցությունը, որին Դուք ներկայացնում եք, մեր սրտով չէ:
Չի կարող
կուսակցությունը ամբողջությամբ վատը լինի, ես գնում եմ խորհրդարան լավերի քանակը ավելացնելու:
Այս միտքը արտահայտված էր Ֆելիքս Ցոլակյանի նախընտրական կարգախոսում՝ «Թիվ 1 խնդիրը
իշխանության առողջացումն է»:
Սակայն
երկրում կատարված հեղափոխությունը ցույց տվեց, որ նախկին իշխանությունը անբուժելի հիվանդ
էր: Ցոլակյանը իր իրավունքով միացավ ոչ բռնի, թավշյա հեղափոխությանը և իր անունը, ինչպես
նշեց հեղափոխության առաջնորդը, ոսկե տառերով գրեց հեղափոխության տարեգրության մեջ,
իսկ Շիրակ աշխարհը ռեկորդային ձայների քանակով իր աջակցությունը հաստատեց իր խոսքի
կշիռն իմացող մարդուն, նոր խորհրդարանական ընտրություններում:
Հովիկ Խալիկյան
Hayacq.com
