«Իմ քայլը» դաշինքի խորհրդարան անցած ներկայացուցիչները հանդիպում կանցկացնեն
«Իմ քայլը» դաշինքը դեկտեմբերի 19-ին, ժամը 19։30-ին բավականին մեծ կազմով հանդիպում է անցկացնելու Երևանի «Արմենիա Մարիոթ» հյուրանոցում: Այս մասին հայտնեց ԱԺ «Ելք» խմբակցության պատգամավոր Ալեն Սիմոնյանը:Սիմոնյանը չմանրամասնեց, թե ինչ հարց է քննարկվելու այդ հանդիպմանը: Հարցին՝ արդյոք քննարկվելու է, թե ով է գնալու օրենսդիր, ով գործադիր մարմին, Սիմոնյանն ասաց՝ չի կարծում:
«Դա պարզապես հանդիպում է խորհրդարան անցած ներկայացուցիչների հետ՝ բավականին մեծ կազմով»,- եզրափակեց Ալեն Սիմոնյանը:
Արտահերթ խորհրդարանական ընտրությունների արդյունքներով խորհրդարան է անցել 3 ուժ. «Իմ քայլ»-ը դաշինքը ստացել է ձայների 70.44%-ը, ԲՀԿ-ն՝ 8.27%-ը, «Լուսավոր Հայաստանը»՝ 6.37%-ը:
