Կադրային ջարդ՝ «վերափոխում» աստառով
Հանրայինում չարաշահումների հետ կապված
Գլխավոր դատախազության հարուցած քրեական գործի քննությունը դեռ ավարտին չհասած, հեռուստաընկերությունում
նոր սկանդալներ են հասունանում: Լրատվական դաշտում լուրեր են տարածվում
Հ1-ում կադրային նոր ջարդի մասին:
Hayacq.com-ի տեղեկություններով,
Հանրային հեռուստաընկերության «Լուրերում» շոկային մթնոլորտ է տիրում:
Տեղեկատվությունը փորձեցինք ճշտել
արդեն մի քանի օր աշխատանքից բացակայող, խորհրդարանական լրագրող Սիրանուշ Մուրադյանից:
Մեզ հետ զրույցում, Սիրանուշ Մուրադյանը
հաստատեց տեղեկությունը, որ մի քանի օր է աշխատանքի չի գնում, բայց դա կապված է իր
վատառողջ լինելու հետ, իսկ կադրային փոփոխությունների մասին նա մանրամասներ չասաց՝
նշելով, որ բացակայության պատճառով վերջին օրերի իրավիճակից տեղյակ չէ:
Թե քանի լրագրող կադրային ջարդի զոհ
կդառնա Հանրայինում և ինչ սկզբունքով է այդ ջարդն իրականացվելու թերևս պարզ կդառնա առաջիկայում:
