18:08 - Դպրոցներից մեկում հրդեհի հետևանքով 40 երեխա է հոսպիտալացվել         17:50 - Ռոբերտ Քոչարյանը կմնա կալանքի տակ      17:35 - Տեխնիկայի զարգացումը Լենա Նազարյանին չի հասել    

29 դեկ 2018 20:20

ՌԴ-ն արգելել է Ուկրաինայից որոշ ապրանքատեսակների ներմուծումը երկրի տարածք

ՌԴ-ն արգելել է Ուկրաինայից որոշ ապրանքատեսակների ներմուծումը երկրի տարածքՌուսաստանի վարչապետ Դմիտրի Մեդվեդևը համապատասխան փաստաթուղթ է ստորագրել, որով հաստատել է այն ապրանքների ցանկը, որն արգելվում է Ուկրաինայից արտահանել Ռուսաստան: Այս մասին նա հայտնել է թվիթերյան իր էջում կատարած գրառման մեջ:
РИА Новости-ի փոխանցմամբ՝ ցուցակում ներառված են հացահատիկը, գարեջուրը, բուսայուղը: Ռուսաստանն արգելք է դրել նաև տուրբինների, տրանսֆորմատորներ, մանրախիճ, մանրացված քար, կրաքար ու հացի պատրաստման համար նախատեսված այլ պարագաներ: Արգելքի տակ են հայտնվել նաև պահածոյացված բանջարեղենի որոշ տեսակներ, շոկոլադը, գինիները, հրուշակեղենը և թարմ ու պահածոյացված ձուկը:
Հիշեցնենք, որ Ռուսաստանի և Ուկրաինայի հարաբերություններն սկսեցին լարվել այն բանից հետո, երբ նոյեմբերի 25-ին Ազովի ծովում Ռուսաստանի և Ուկրաինայի ռազմածովային ուժերի նավերի միջև առճակատում էր տեղի ունեցել: Ռուսական կողմի պնդմամբ՝ ուկրաինական նավերը ռուսական ջրերում ապօրինի գործողություններ իրականացնելու փորձ էին կատարել: Ռուսական կողմը հարվածել էր ուկրաինական նավին և կրակ բացել, այնուհետև կալանել էր ուկրաինական 3 նավերը:

Մեկնաբանություններ

Համընկնող լուրեր