Մարգարեական երազներից հետո ամերիկացին 2 անգամ ջեքփոթ է շահել
ԱՄՆ Մերիլենդ նահանգի բնակիչը իր կյանքում արդեն երկրորդ անգամ մարգարեական երազի շնորհիվ վիճակախաղում ջեքփոթ է շահել՝ տեղեկացնում է UPI տեղեկատվական ալիքը։Ռիչարդ Ջոյները պնդում է, որ երազում տեսել է 4, 8, 5 և 6 թվերի համադրությունը, և դրանք տպվել են իր գլխում։ Տղամարդը հիշել է, որ այդ համարը միշտ հայտնվել է փաստաթղթերում, որոնց հետ նա աշխատել է իր՝ բանակում ծառայելու տարիներին։
Ջոյները հասկացել է, որ այդ համադրությունը հաճախ հաղթանակ է բերում վիրտուալ մրցավազքերում։ Նա խաղադրույք է կատարել համակարգչային ձիերի վրա և ջեքփոթ շահել՝ 15 252 դոլար, իսկ հետո ևս մեկ անգամ է փորձել, և երկրորդ հաղթանակը արդեն կազմել է 39 697 դոլար։
«Ես երազումս հաճախ թվեր եմ տեսնում․ դրանք կապված են ամսաթվերի, դեպքերի, սպորտային արդյունքների հետ։ Ես փորձում եմ օգտագործել այդ թվերը»,- անկեղծացել է Ջոյները։
