Գրիգորյանին տեղափոխել են ՔԿՀ մեքենայով, իսկ հետո իր ուժերով բարձրացել է հետազոտությունների սենյակ
Մանվել Գրիգորյանը Պահակախմբի և ՔԿՀ բժիշկների ուղեկցությամբ տեղափոխվել է Նաիրի ԲԿ հետազոտություն անցնելու համար: Իսկ տեղեկությունները, որ նա ծայրահեղ ծանր վիճակով է տեղափոխվել հիվանդանոց, իրականությանը չեն համապատասխանում: Այս մասին հայտնել է ԲԿ-ի գործադիր տնօրեն Անատոլի Գնունին:Հարցին, թե կա արդյո՞ք անհրաժեշտություն, որ Գրիգորյանը մնա հիվանդանոցում, Գնունին նշել է, որ վերջինս դեռ գտնվում է հետազոտությունների փուլում, և միայն պատասխանները ստանալուց հետո պարզ կլինի՝ նա կմնա հիվանդանոցում, թե՝ ոչ:
Պարոն Գնունին նշել է, որ Գրիգորյանն ունի բազմաթիվ հիվանդություններ, և հավանական է, որ դրանց սրման արդյունքում նա բողոքներ է ունեցել և տեղափոխվել է հիվանդանոց:
Գրիգորյանին տեղափոխել են ՔԿՀ մեքենայով, իսկ արդեն տեղում նա քայլելով, իր ուժերով բարձրացել է հետազոտությունների սենյակ:
