21:22 - Կարևոր նախադրյալ է քաղաքացու իրավագիտակցության և պատասխանատվության զգացումի բարձրացումը         17:40 - Նիկոլ Փաշինյանի վարկանիշը ՝ ըստ «Գելափի»      17:29 - Կաբաևան երկվորյակ է ունեցել. բժշկական հաստատության ամբողջ 4-րդ հարկը «տարհանվել է»    

11 փետ 2019 16:55

«Հայաստանի իրադարձությունները հիմք են ստեղծում ԼՂ հարցում առաջընթացի համար». Մամեդյարով

«Հայաստանի իրադարձությունները հիմք են ստեղծում ԼՂ հարցում առաջընթացի համար». ՄամեդյարովՀայաստանի ներկայիս ղեկավարությունը պետք է քաղաքական կամք դրսևորի Լեռնային Ղարաբաղի հակամարտության կարգավորման համար և պետք է գործի բարիդրացիության փիլիսոփայությանը համապատասխան՝ հանուն տարածաշրջանի խաղաղության և կայուն զարգացման: Այս մասին The Korea Times-ին տված հարցազրույցում ասել է Ադրբեջանի արտաքին գործերի նախարար Էլմար Մամեդյարովը:
Նրա խոսքով՝ Ադրբեջանը կողմ է արդյունավետ բանակցություններին:
«Հայաստանում տեղի ունեցած վերջին իրադարձությունները, Ադրբեջանի նախագահի և Հայաստանի վարչապետի զրույցները, ինչպես նաև իմ հայ գործընկերոջ հետ հանդիպումները որոշակի հիմքեր են ստեղծում բանակցային գործընթացի առաջընթացի համար: 2019թ. հունվարի 16-ին Ադրբեջանի և Հայաստանի արտաքին գործերի նախարարների վերջին հանդիպման արդյունքներով ԵԱՀԿ Մինսկի խմբի տարածած հայտարարության մեջ նշվում են ինտենսիվ բանակցություններին նպաստող մթնոլորտի պահպանումն ու կողմերի շարունակական ջանքերը: Փաստաթղթում ասվում է կողմերի համաձայնության մասին՝ կապված երկու կողմերի բնակչությանը խաղաղության նախապատրաստելու կոնկրետ միջոցառումներ իրականացնելու անհրաժեշտության հետ: Հայտարարության մեջ ասվում է նաև, որ կողմերը քննարկել են Ադրբեջանի և Հայաստանի առաջնորդների հնարավոր հանդիպման անցկացման հարցը, որը հզոր իմպուլս կհաղորդի բանակցությունների դինամիկային»,- ասել է Մամեդյարովը:


Մեկնաբանություններ

Համընկնող լուրեր