22:28 - Հակառակորդը դիվերսիոն ներթափանցման փորձ է ձեռնարկել, կան վիրավորներ ․ ՊՆ խոսնակ         17:10 - Ինչո՞ւ է կորոնավիրուսը տարբեր մարդկանց մոտ տարբեր կերպ ընթանում      16:32 - Առաջիկա օրերին՝ անձրև, ամպրոպ, քամու ուժգնացում    

20 փետ 2019 13:15

Եթե համաներում չհայտարարեին, թափթփուկներին բաց չթողեին, երկիրը ավելի խաղաղ կլիներ. Բժիշկը՝ իր տան գողության մասին

Եթե համաներում չհայտարարեին, թափթփուկներին բաց չթողեին, երկիրը ավելի խաղաղ կլիներ. Բժիշկը՝ իր տան գողության մասին«Նաիրի» բժշկական կենտրոնի գլխավոր բժիշկ Անատոլի Գնունու տան գողությունը երեկոյան ժամերին է եղել, տանը մարդ չի եղել։ Այս մասին նա հայտնեց NEWS.am-ի հետ զրույցում։
«Տունը թալանել են, մինչ ես հիվանդների գլխին կանգնած նրանց կյանքն էի փրկում»,–նշեց բժշիկը։
Նրա խոսքով՝ գողերը տարել են թանկարժեք իրեր, իսկ տանը մեծ գումար չի ունեցել պահած, տունը խառնել են, տակնուվրա են արել. «Ինչը տեսել են թանկարժեք է, վերցրել ու տարել են, գումար չեն տարել, եթե նույնիսկ տարել են, փոքր գումար է եղել, այն առօրյա գումարը, որ ամեն մեկի տանը կա»։
Հարցին՝ իսկ ի՞նչ թանկարժեք իրեր են տարել, Անատոլի Գնունին նշեց, որ դեռ հստակ չի կարող ասել, քանի որ տունը տակնուվրա է արված, սակայն մանրամասնեց՝ ոսկեղեն են տարել։
Նա նկատեց՝ նախկինում իր տան գողության դեպք չի արձաագրգրվել, ապա հավաստիացրեց՝ ինքը համեստ ապրող մարդ է. «Ի՞նչ ունեմ ես, որ ինչ էլ տանեն, ես համեստ ապրող մարդ եմ, մեր ազգի կողքին միշտ կանգնած, կաշառք չվերցնող։ Մեկը թող հայտնվի ու ասի՝ ինձ կաշառք է տվել, տեսնեմ էլի իրեն»։
Տունը, բժշկի խոսքով, պղծել են. «Եթե օտար մարդ է մտել, իր ոտքերով ու ձեռքերով կեղտոտել է, զզվելդ գալիս է արդեն»։
Նա դժվարացավ կասկածյալներ մատնանշել, սակայն շեշտեց. «Եթե համաներում չհայտարարեին, թափթփուկներին բաց չթողեին, երկիրը ավելի խաղաղ կլիներ»։ Նա նաեւ կարծիք հայտնեց, որ գողություն կատարած անձը (անձինք) արդեն իսկ փորձված է եղել գողությունների մեջ։
Ավելի վաղ հայտնել էինք, որ երեկ անհայտ անձը կամ անձինք Զաքյան 1-ին նրբանցքի 1-ին շենքի 1-ին հարկի բնակարանի պատուհանը բացել են, ներս են մտել եւ հափշտակել գումար: Բնակարանը պատկանում է «Նաիրի» բժշկական կենտրոնի գլխավոր բժիշկ Անատոլի Գնունուն։

Մեկնաբանություններ

Համընկնող լուրեր