Տեսանյութ. Նախարարությունները կմիաձուլվեն.այսուհետ կլինի 2 փոխվարչապետ, 12 նախարարություն

Կառավարությունը քննարկում է «Կառավարության կառուցվածքի և գործունեության մասին Հայաստանի Հանրապետության օրենքում փոփոխություններ և լրացումներ կատարելու մասին» և կից ներկայացրած օրենքների նախագծերի փաթեթը: Այն ներկայացրեց Արդարադատության նախարար Արտակ Զեյնալյանը:

Նախագծով առաջարկվում է կրճատել փոխվարչապետերի թիվը՝ հանելով առաջին փոխվարչապետի պաշտոնը: Նախատեսվում է կրճատել նախարարությունների թիվը՝ այն հասցնելով 12-ի:

Առաջարկվում է միաձուլել Մշակույթի, Սպորտի և երիտասարդության հարցերի, ԿԳ նախարարությունները՝ ստեղծելով Կրթության, գիտության, մշակույթի և սպորտի նախարարություն:

Առաջարկվում է Գյուղնախարարությունը միաձուլել Տնտեսական զարգացման և ներդրումների նախարարության հետ՝ ստեղծելով էկոնոմիկայի նախարարություն:

Առաջարկվում է միաձուլել Էներգետիկ ենթակառուցվածքների և բնական պաշարների նախարարությունը և Տարածքային կառավարման և զարգացման նախարարությունը՝ ստեղծելով Տարածքային կառավարման և ենթակառուցվածքների նախարարություն, որին կփոխանցվեն Տրանսպորտի, կապի և տեղեկատվական տեխնոլոգիաների նախարարության տրանսպորտին վերաբերող լիազորություններն ու գործառույթները: Այս նախարարությանն է հանձնվելու նաև Ջրային, Քաղաքացիական ավիացիայի, Պետգույքի կոմիտեները:

Առաջարկվում է Տրանսպորտի, կապի և տեղեկատվական տեխնոլոգիաների նախախարարությունը վերանվանել Բարձր տեխնոլոգիաների և արդյունաբերության նախարարություն՝ կրճատելով նախարարության տրանսպորտի ոլորտի բոլոր լիազորություններն ու գործառույթները: Լիազորությունների մեջ ավելացվելու են թվայնացման գործընթացների և ռազմարդյունաբերության հետ կապված լիազորություններ, ինչպես նաև հետագայում նախարարությանը հանձնել ռազմարդյունաբերության կոմիտեին:

Առաջարկվում է Սփյուռքի նախարարությունը միավորել վարչապետի աշխատակազմի հետ՝ ստեղծելով Սփյուռքի գործերով գլխավոր հանձնակատարի ինստիտուտ:

Արդյունքում լինելու են հետևյալ նախարարությունները.

1) Աշխատանքի և սոցիալական հարցերի նախարարությունը

2) Առողջապահության նախարարությունը

3) Արդարադատության նախարարությունը

4) Արտակարգ իրավիճակների նախարարությունը

5) Արտաքին գործերի նախարարությունը

6) Կրթության, գիտության, մշակույթի և սպորտի նախարարությունը

7) Շրջակա միջավայրի նախարարությունը

8) Պաշտպանության նախարարությունը

9)Տարածքային կառավարման և ենթակառուցվածքների նախարարությունը

10) Բարձր տեխնոլոգիաների արդյունաբերության նախարարությունը