Խաղաղության միակ երաշխիքը, եթե Հայաստանը հանձնի Ադրբեջանին 5 շրջանները
Ռուսաստանցի հասարակական-քաղաքական գործիչ Ալեքսանդր Դուգինը մեկնաբանել է ԼՂ հակամարտության շուրջ վերջին զարգացումները և ՀՀ վարչապետ Նիկոլ Փաշինյանի հայտարարությունները, որ Արցախը պետք է վերադառնա բանակցային սեղան: Այս մասին հայտնում է Ռուսարմինֆոն:«Իմ կարծիքով, պետք է ոչ թե լսել Փաշինյանին, այլ նայել նրա գործողությունները: Եթե նա իրոք հանդիպի Ադրբեջանի նախագահի հետ, դա նշանակում է, որ նա շարժվում է հարցը ռացիոնալ լուծելու ճանապարհով, պատրաստ է հանդիպել, քննարկել ճանապարհային քարտեզը… Աշխարհաքաղաքական տեսանկյունից եկել է այս հարցում որոշում կայացնելու ժամանակը»,-ասել է Դուգինը:
Ըստ նրա՝ Հայաստանի և Ադրբեջանի միջև խաղաղությունը հնարավոր է, եթե Հայաստանը հանձնի 5 շրջանները: Նա նաև պնդել է, որ հենց այս մասին են բանակցել Հայաստանի նախորդ իշխանությունները:
