20:21 - ՀՅԴ-ն իշխանություններին դեղին քարտ ցույց տվեց. Տեսանյութ         18:25 - «Ամեն ինչ ունի սկիզբ և վերջ». ԵՊՀ ռեկտորը՝ հրաժարականի պատճառների մասին      18:00 - Փաստաբանը Քոչարյանին ազատած դատավորի դեմ հաղորդում է ներկայացրել ԱԱԾ, ՀՔԾ և Գլխավոր դատախազություն .Դատավորը խախտել է...    

02 մայիս 2019 16:29

Կա արդյո՞ք այն տեսանյութը, որում իբր Սանասարյանը կաշառք է վերցնում.Վանեցյանի պարզաբանումը

Կա արդյո՞ք այն տեսանյութը, որում իբր Սանասարյանը կաշառք է վերցնում.Կարծում եմ՝ անդամահատության կարիք է լինելու.Այսօր՝ մայիսի 2-ին, լրագրողների հետ զրույցում ԱԱԾ տնօրեն Արթուր Վանեցյանը, պատասխանելով հարցին, թե պատրաստ է արդյո՞ք հրաժարական տալ, եթե ՊՎԾ պետ Դավիթ Սանասարյանի մեղավորությունը չհաստատվի, նշեց՝ իսկ ինչով է տարբերվում Սանասարյանը ՀՀ այլ քաղաքացիներից. «Դուք պատկերացնո՞ւմ եք, թե ինչքան մարդու է մեղադրանք առաջադրվում ԱԱԾ քննչական դեպարտամենտում, որը նախաքննության ընթացքում չի հաստատվում»:

Վանեցյանը հիշեցրեց, որ ինքը՝ Սանասարյանը, պաշտոնանկ չի եղել, ուղղակի կասեցվել են նրա լիազորությունները. «Ինչո՞վ է տարբերվում պարոն Սանասարյանը ՀՀ մնացած քաղաքացիներից: Եթե ապացուցվի, որ Սանասարյանի նկատմամբ գործի շրջանակներում ԱԱԾ-ի կողմից թույլ են տրվել կեղծիքներ, ապօրինություններ, դրա համար մեղավորը պատասխան կտա օրենքի առջև: Իսկ ես՝ որպես ԱԱԾ տնօրեն, նույնպես պատասխան կտամ»:
Հարցին, թե կա արդյո՞ք այն տեսանյութը, որում իբր Սանասարյանը կաշառք է վերցնում, ինչի մասին գրում է մամուլը, Վանեցյանը կարճ ասաց՝ «Ես կարծում եմ, որ անդամահատության կարիք չի լինելու»:

Ավելի վաղ Սանասարյանը հայտարարել էր, որ պատրաստ է կտրել ձեռքը, եթե հրապարակվի տեսանյութ, որում երևում է, թե ինչպես է ինքը կաշառք վերցնում:

Մեկնաբանություններ

Համընկնող լուրեր