Մարտի 29-ին երկար ժամանակով լույս չի լինի բազմաթիվ հասցեներում          Ինչպես կարող են Երևանի իշխանություններն իրենց երկիրն անվտանգ համարել, երբ նրա տարածքի որոշ հատվածներ արդեն օկուպացված են ադրբեջանցիների կողմից       Գեղարքունիքի մարզում հայրը կասկածվում է իր անչափահաս դստերը հաճախակի ծեծի ենթարկելու մեջ և փորձել է սեռական հարաբերություն ունենալ նրա հետ    

05 հուն 2019 14:40

Դրամն այսօր այն աստիճանի է խեղդվել... գնողունակությունն այնքան է իջել, որ դոլար առնելու իմաստ էլ չկա

ՀՀ ԱԺ մշտական հանձնաժողովներում շարունակվում են  «2018 թ. պետական բյուջեի կատարման մասին» տարեկան հաշվետվության նախնական քննարկումները:
Քննարկման ժամանակ, ԲՀԿ-ական պատգամավոր Սերգեյ Բագրատյանը հայտարարեց, որ դրամն այսօր այն աստիճանի է խեղդվել, որ ժողովրդի ձեռքը փող չմնա, գնողունակությունն այնքան է իջել, որ դոլար առնելու իմաստ էլ չկա:
Պատգամավորը նշեց, որ այսօր հատկապես բանկային համակարգի հետ կապված շատ վատ վիճակ է, բոլոր քաղաքացիները դժգոհ են դրանից. «Ես չեմ տեսել, որ բանկերը փորձեն գոնե մեկ սոցիալական ծրագիր իրականացնեն ժողովրդի համար: Մի լավ ընկեր ունեմ, ով միշտ ասում է, որ կայուն վատ է: Տպավորություն է, որ այդ կայուն վատը մեզ դզել է, լավ է, հանկարծ ավելի վատ չլինի»:
Դիմելով ԿԲ նախագահ Արթուր Ջավադյանին՝ Բագրատյանը ցանկացավ իմանալ, թե ինչ նոր գործիք է առաջարկվել պարտքերի տակ կքած հայ մարդուն օգնելու համար. «Որևէ անգամ մտաածե՞լ եք օրինակ մեկ տարով մինչև 5 միլիոն վարկերը սառեցնել, ժողովրդին մեկ տարի շնչելու հնարավորություն տալ: Մի՞թե այդ ժողովրդի նկատմամբ որևէ պատասխանատվություն չունենք: Մեր հարազատները, գյուղացիները վատ վիճակում են»:


ԲՀԿ-ական պատգամավորը նաև խնդրեց իրենց փոխանցել այն 130 հազար քաղաքացիների անունները, ովքեր սև ցուցակներից հանվել են: Նա նշեց, որ օրը ցերեկով չեն կարողանում նման մարդ գտնել. «Դուք շատ զգուշավոր եք ձեր քաղաքականության մեջ: Եթե մենք անընդհատ վախենանք, զարգացում չի լինի: Մենք մեզ գովում ենք, որ աշխատող ենք, հնամենի ենք, ինչո՞ւ ենք այսպես արգելակում: Մի լուծում կա՞, թե ասենք՝ ժողովուրդ ջան մեզ մոտ լավ է, մենք զգուշավոր ենք, ձեր հերն էլ անիծած, այ մարդ, դժվա՞ր է, տունդ ծախի, թող գնա, կամ ոնց ուզում ես արա»:

Մեկնաբանություններ


Համընկնող լուրեր