Տեսանյութ. Պետք չէ վախենալ սևազգեստ խմբերից, մեր քաղաքացիներն ապահովված են
Կան մարդիկ, ովքեր փորձում են ինքնահաստատվել, ինքնադրսևորվել, ցույց տալ, որ իրենք կարող են Հայաստանում իրենց ամեն ինչ թույլ տալ, սակայն դա ընդամենն իրենց կարծիքն է: Այս մասին կառավարության նիստից հետո լրագրողների հետ զրույցում հայտարարեց Ոստիկանապետ Վալերիյ Օսիպյանը՝ հավելելով, որ այդ մարդիկ օրենքի սահմաններում արժանանալու են կոշտ հակազդեցության:Ինչ վերաբերում է վարչապետ Փաշինյանի նշած սևազգեստ մարդկանց, Ոստիկանապետն ասաց, որ վախենալու մթնոլորտ չկա, Հայաստանն ամենաապահով երկրներից մեկն է, իսկ օպերատիվ տեղեկությունները հրապարակման ենթակա չեն:
Հարցին, թե դրանք քաղաքական ուժե՞ր են, Օսիպյանը նշեց, որ իրենց համար տարբերություն չկա՝ հավելելով, որ օպերատիվ տեղեկությունները չի հրապարակի, դրանք ենթական չեն հրապարակման:
Օսիպյանի խոսքերով, սև շոր հագնելն արգելված չէ:
Այնուհետև Ոստիկանապետ Վալերիյ Օսիպյանը, խոսելով Ազատության հրապարակում ավտոմեքենաներով ճռռիկներ անողների մասին, հայտարարեց, որ միշտ էլ այդպիսի բաներ եղել են, ինքն անձամբ միջամտել է, մի անգամ էլ Ազատության հրապարակից 17 հատ ավոտմեքենա է ուղարկել տուգանային հրապարակ: Դա տեղի է ունեցել նախորդ տարիներին, օրը ժամը չի արձանագրել:
Ոստիկանապետը հայտնեց, որ կոնկրետ այսօր էլ արձանագրություն կազմվել է:
Հարցին, թե նրանք են արդյո՞ք այն մարդիկ, ովքեր սաբոտաժի են դիմում, Օսիպյանն ասաց, թե չի կարծում, նրանք ուղղակի քաղաքացիներ են ովքեր մտածում են, որ կարող են մտնել Ազատության հրապարակ. «Ազատության հրապարակի մուտքերը ՃՈ-ի կողմից պահպանվում են մինչև 24:00-ն: Դրանից հետո վերակարգերը դուրս են գալիս և մուտքերն ազատ են մնում: Մենք բազմիցս դիմել ենք տեղական ինքնակառավարման մարմիններին, որպեսզի այնտեղ արգելապատնեշներ դնեն, քանի որ կան քաղաքացիներ, ովքեր կեսգիշերից հետո մտնում են Ազատության հրապարակ, ինչի համար խստորեն կպատժվեն»:
Ոստիկանապետը հայտնեց, որ կոնկրետ այսօր էլ արձանագրություն կազմվել է:
Հարցին, թե նրանք են արդյո՞ք այն մարդիկ, ովքեր սաբոտաժի են դիմում, Օսիպյանն ասաց, թե չի կարծում, նրանք ուղղակի քաղաքացիներ են ովքեր մտածում են, որ կարող են մտնել Ազատության հրապարակ. «Ազատության հրապարակի մուտքերը ՃՈ-ի կողմից պահպանվում են մինչև 24:00-ն: Դրանից հետո վերակարգերը դուրս են գալիս և մուտքերն ազատ են մնում: Մենք բազմիցս դիմել ենք տեղական ինքնակառավարման մարմիններին, որպեսզի այնտեղ արգելապատնեշներ դնեն, քանի որ կան քաղաքացիներ, ովքեր կեսգիշերից հետո մտնում են Ազատության հրապարակ, ինչի համար խստորեն կպատժվեն»:
