ԵԱՀԿ ՄԽ համախագահների հայտարարությունը ոչ թե դեղին քարտ էր Փաշինյանին, այլ միանգամից երկու կարմիր քարտ

 Նիկոլ Փաշինյանը մարտի սկզբին Իրանում խայտառակ, անհեթեթ հայտարարություն արեց: Նա պետական գործչին, երկրի ղեկավարին ոչ բնորոշ հայտարարություն արեց օտարերկրյա գործակալների մասին: Նույն օրը ես Փաշինյանից ու ուժայիններից պահանջեց անուններ ներկայացնել ու համապատասխան քայլեր ձեռնարկել: Եթե մեր երկրում օտարերկյա գործակալներ են վխտում, ինչպես ասում է Փաշինյանը, ու պետության ղեկավարը որևէ քայլ չի ձեռնարկում, դա կամ քաղաքական անմեղսունակություն է, կամ քաղաքական ջրիկություն: Այսօր՝ հունիսի 24-ին, լրագրողների հետ հանդիպմանը հայտարարեց Էդուարդ Շարմազանովը:

Ինչ վերաբերում է դավադիր ուժերի մասին Նիկոլ Փաշինյանի հայտարարությանը, Շարմազանովն այն ևս անհեթե անվանեց. «Ասել ու ասում եմ՝ Փաշինյաի այս հայտարարությունը հակապետական հայտարարություն է: Մեր դիվանագիտությունը վերջին 25-30 տարվա ընթացքում բոլոր միջազգային ատյաններում՝ անկախ կուսակցական պատկանելությունից փաստերով ներկայացրել է, որ տարածաշրջանի անվտանգության սպառնալիքը Թուրքիան ու Ալիևն են, ինչի վառ ապացույցն ապրիլյանն է: Իսկ Փաշինյանն ասում է, որ Հայաստանում ու Արցախում կան ուժեր, որանք կարող են պատերազմ սկսել: Սա քարտ բլանշ է, կանաչ լույս է Ադրբեջանին ռազմական գործողությունները սկսելու և դրանք սկսելու մեղավորությունը Հայաստանի վրա դնելուն»:
ԱԺ նախկին փոխխոսնակը խոսեց նաև ադրբեջանա-թուրքական երկու մեծ զորավարժությունների մասին. «Մենք ի՞նչ ենք արել: Մեր իշխանությունը հասարակությանը բաժանել է սևերի ու սպիտակների, հակահեղափոխականների և հեղափոխականների: Երբ Ադրբեջանն ու Թուրքիան զորավարժություններ են անում, մեր իշխանությունները Քաղաքացու օր են նշում, Պրոսպեկտում խորոված ու քյաբաբ ուտում: Ով էլ չի ուզում ուտի, ասում են, որ գնան խաշ ուտեն: Սա խայտառակյություն է»:

Շարմազանովը հայտարարեց, որ ԵԱՀԿ ՄԽ համախագահների հայտարարությունն այս մասով ոչ թե դեղին քարտ էր Փաշինյանին, այլ միանգամից երկու կարմիր քարտ. «Եթե այդքան դուխով է, հետևողական է, մեզանից հայրենասեր է, ինչո՞ւ հիմա չի խոսում այդ մասին: Դրա համար Նիկոլ Փաշինյանի նաև այս 6-ամսյա քաղաքականությունը ոչ թե փայլուն է, այլ փայլուն ստերի ու փայլուն մանիպուլյացիաների քաղաքականություն է»:

Մայիսի 9-ին Փաշինյանը մեկնում է Արցախ համազգային տոնին մասնակցելու, տեսնում է՝ Արցախի հերոս Սերժ Սարգսյանն այնտեղ է, միանգամից վերադառնում է ու առանց սպասելու, որ մի օր անցնի, միանգամից գրառում է անում՝ Արցախում հակահեղափոխականները գլուխ են բարձրացրել: Դե կներես, որ քեզ չէին հարցրել, թե երբ գնան Արցախ: Ընկեր ջան, այդ մարդիկ Արցախի հերոսներ են: Ինչքան էլ խմբագրես պատմությունը, բաներ կան, որ չես կարող խմբագրել: Արցախում Սերժ Սարգսյանի՝ որպես Արցախի ինքնապաշտպանության ուժերի հրամանատարի, գլխավորույամբ մեր ուժերը հաղթանակ են տոնել, հաղթանակով են ավարտել Արցախյան առաջին և երկրորդ պատերազմները: Լրագրողների հետ հանդիպմանն այսօր՝ հունիսի 24-ին,հայտարարեց Էդուարդ Շարմազանովը: