Մենք շուտով կիմանանք, թե ովքեր են եղել Crocus City Hall-ի ահաբեկչության պատվիրատուները. փորձագետ          Տեսանյութ.Արա, դուք վախեցած եք,Ճիշտ եք անում, որ վախենում եք.պահը մոտենում է.ինչ պլանավորել ենք, անելու ենք       Պուտինը հաջորդ հանդիպման ժամանակ Փաշինյանին ասել է. «Մենք զարմացած էինք, որ դուք այդպես որոշեցիք՝ ԼՂ-ն ճանաչել է Ադրբեջանի մաս    

09 հուլ 2019 15:30

«Ռմբակոծել Իրանը».պարզ է՝ որն է Վրաստանում իրավիճակի սրացման նպատակը

Վրաստանում իրավիճակի սրացման նպատակներից մեկն է վատթարացնել Մոսկվայի ու Թբիլիսիի հարաբերությունները՝ Վրաստանում ամերիկյան ռազմական ավիացիա տեղակայելու համար հող պատրաստելու համար: Իր տելեգրամյան էջում նման կարծիք է հայտնել Ռուսաստանի Լիբերալ-դեմոկրատական կուսակցության առաջնորդ, Պետդումայի պատգամավոր Վլադիմիր Ժիրինովսկին:
«Վրաստանում իրավիճակի սրացման նպատակներից մեկն այդտեղից ռուսներին վերջնականապես դուրս հանելն ու Մոսկվայի և Թբիլիսիի միջև հարաբերությունների վատթարացումն է, որպեսզի Վրաստանում ամերիկյան ռազմական բազա տեղակայելու համար հող պատրաստվի, իսկ արդյունքում այդ բազան հնարավոր կլինի օգտագործել Իրանը ռմբակոծելու համար»,- գրել է Ժիրինովսկին:
Ինչպես ավելի վաղ հայտնել էինք, կիրակի երեկոյան հեռուստահաղորդավար Գեորգի Գաբունիան իր «P.S.» հեղինակային ծրագիրը սկսել է ՌԴ նախագահի հասցեին հայհոյանքներ տեղալով: Մեծ թվով օգտատերեր քննադատել են Գաբունիային և մտավախություն հայտնել, որ վրաց-ռուսական հարաբերությունները կարող են է՛լ ավելի սրվել: Հեռուստաընկերության գլխավոր տնօրեն Նիկա Գվարամիան հայտարարել է, որ անթույլատրելի է համարում հայհոյանքը եթերում, թեև կիսում է հեռուստահաղորդավարի կարծիքը:
Վրաստանում մի քանի հարյուր մարդ երեկ ուշ երեկոյան հավաքվել է «Ռուսթավի 2» հեռուստաընկերության շենքի մոտ՝ պահանջելով ազատել աշխատանքից հեռուստահաղորդավար Գեորգի Գաբունիային, որն ուղիղ եթերում հայհոյել ու վատ է արտահայտվել Ռուսաստանի Դաշնության նախագահ Վլադիմիր Պուտինի հասցեին: Այս առնչությամբ քննադատությամբ են հանդես եկել և՛ Վրաստանի նախագահ Սալոմե Զուրաբիշվիլին, և՛ երկրի ԱԳՆ-ն՝ քննադատելով հաղորդավարի ելույթը և այն սադրանք որակելով:



Մեկնաբանություններ


Համընկնող լուրեր