Ադրբեջանում ավելացել են պատերազմ սկսելու կոչերը.նույնիսկ կոչեր հնչեցողներին տրամադրում են մեդիահարթակներ
Ռազմագետ Կարեն Հովհաննիսյանը ֆեյսբուքյան իր էջում գրել է. «Վերջին շրջանում Ադրբեջանում, ակնհայտորեն, ավելացել են պատերազմ սկսելու կոչերը, որոնք առայժմ հայտարարությունների տեսքով արվում են քաղհասարակության ներկայացուցիչների կողմից: Հիմնականում այդ տեսակ հայտարարություններով հանդես են գալիս այն քաղհասարակության ներկայացուցիչներն, ովքեր տարբեր տեսակի աներևույթ թելերով կապված են իշխանության հետ: Հետաքրքիր է, որ պատերազմի կոչեր հնչեցողներին տրամադրում են նաև մեդիահարթակներ, ակտիվ լուսաբանվում են նրանց ելույթները, ծրագրերը: Անշուշտ, Ադրբեջանը փորձում է այս կերպ ցուցադրել, որ իր հասարակությունը պատրաստ է պատերազմի»:
