Սրտնեղել են Զոհրաբ Մնացականյանի խոսքից ու սպառնում են.Ադրբեջանի «համբերությունն անսահման չէ»
Ադրբեջանի ԱԳ նախարարությունը հանդես է եկել հերթական ռազմատենչ հայտարարությամբ: Ինչպես հաղորդում է Rusarminfo-ն, Ադրբեջանի ԱԳՆ-ն արձագանքել է ՀՀ ԱԳ նախարար Զոհրաբ Մնացականյանի ելույթին, մասնավորապես՝ նրա հայտարարությանը, որ Ադրբեջանը սպառնալիք է Լեռնային Ղարաբաղի ժողովրդի գոյությանը: Մնացականյանն ընդգծել էր տեղի բնակիչների ինքնորոշման իրավունքը:«Հայաստանը պետք է կողմնորոշվի՝ նրանք խաղաղությո՞ւն են ուզում, թե՞ էսկալացիա»,- նշում է Ադրբեջանի ԱԳՆ-ն՝ միաժամանակ հայտարարելով, թե տպավորություն է, որ Հայաստանի ներկայիս իշխանությունը գիտակցաբար իրավիճակը սրում է, ոչ թե ձգտում խնդրի կարգավորման հասնել:
Հայտարարության մեջ նաև նշվում է, որ Ադրբեջանի «համբերությունն անսահման չէ», և որ նրանք երբեք չեն հաշտվի ներկայիս ստատուս քվոյի հետ:
