16:48 - Մի՞թե Փաշինյանն է այն «փայլատակող միտքը», որը վերջապես գտել է խաղաղ կարգավորման բանաձևը         16:47 - Բողոքի ակցիայի մասնակիցները դագաղի մեջ խոզ են դրել և տարել Գերագույն ռադայի շենքի մոտ      16:22 - Լավրովն ասում է` թուրքերի հետ գործ չունեք, Շոյգուն Թուրքիայի հետ սահմանին բազան է մեծացնում    

02 նոյ 2019 15:52

Սիրիահայերն ինտեգրվել են, բայց չեն ձուլվել սիրիական հասարակությանը, նրանք պահպանել են իրենց ինքնությունը

Սիրիայի նախագահ Բաշար Ասադը սիրիական հեռուստաընկերություններին տված հարցազորւցում խոսել է նաև հայ համայնքի մասին: «Սանա»-ի հաղորդմամբ, լրագրողի հարցին, թե հնարավո՞ր է ապրել քրդերի հետ միասին այն բանից հետո, ինչ տեղի ունեցավ, Ասադն ասել է, որ քրդերի մեծամասնությունը միշտ լավ հարաբերություններ են ունեցել պետության հետ և առաջ են քաշել իրական հայրենասիրական գաղափարներ:

Նրա խոսքով, այն շրջաններ, ուր մտել է սիրիական բանակը, քրդերի արձագանքը ոչ պակաս դրական կամ ոչ պակաս ուրախալի չի եղել, քան այլ մարդկանց արձագանքը:

«Այո, շատ հստակ է, մենք նորից կարող ենք ապրել կողք-կողքի»,- ասել է Սիրիայի նախագահը:
Այնուհետև Ասադն օրինակ է բերել հայերին, որոնք վերջին խումբն են, որը միացել է սիրիական հասարակությանն ու միշտ հայրենասիրությամբ է առանձնացել։
«Դա առանց որևէ կասկածի ապացուցվեց պատերազմի ժամանակ: Միաժամանակ Սիրիայի հայերն ունեն իրենց կազմակերպությունները, եկեղեցիները և, որ ամենակարևորն է, դպրոցները։ Եթե որևէ հայկական արարողության ես մասնակցում` հարսանիք և այլ միջոցառում, իսկ ես գնացել եմ, քանի որ նախկինում հայ ընկերներ ունեի, նրանք իրենց ավանդական երգերն են երգում: Հետո նրանք ազգային երգեր են կատարում: Կա՞ ազատության որևէ ձև, որը վեր է այս ամենից»,- ասել է Ասադը:
Նրա խոսքով, սիրիահայերն ինտեգրվել են, բայց չեն ձուլվել սիրիական հասարակությանը, նրանք պահպանել են իրենց ինքնությունը:


Մեկնաբանություններ

Համընկնող լուրեր