17:20 - Կոտայքի մարզում տաք հետքերով հայտնաբերել են զինված ու դիմակավորված ավազակային հարձակում կատարողներին         16:39 - Մկնդեղով, կադմիումով և դիօքսիններով աղտոտվածությունը՝ Ալավերդիում և Ախթալայում. ԷկոԼուր      16:15 - Ֆրանսիայում պղծել են Հայոց ցեղասպանության զոհերի հիշատակին կանգնեցված խաչքարը    

14 նոյ 2019 13:53

Ես չեմ զարմանում, դա էլ իր պաշտոնն է թելադրում. վարչապետի արած հայտարարությանն ի պատասխան

«Ուսանողների կողքին եմ գաղափարապես: Չեմ պատրաստվում նստել սառը քարի վրա, բաց որպես հայ, Երևանի բնակիչ, չեմ կարողանում հասկանալ ԿԳՄՍ նախարարի այդ քայլերը, անընդունելի են: Ամենկարևորը, եթե մենք մեր լեզուն, մեր հիմնաքարը չհարգենք, հետո անշուշտ գալու է եկեղեցին և պատմությունը... չեն քննարկում նման բաները, դա անհրաժեշտ է և վերջ: Դրա փոխարեն թող զբաղվեն նրանով, թե ինչերեն է խոսում հեռուստատեսությունը, ոչ բոլոր ալիքները, իհարկե: Կան ալիքներ, որ միացնում ես ու ուզում ես հասկանալ՝ ինչերեն է, ոնց են աղավաղում մեր մայրենին: Դա շատ ավելի կարևոր հարց է, որն օրենքի հարթակի վրա պետք է լուծվի և, ուղղակի, արգելվի նման ձևով հեռարձակումը... դրա փոխարեն չգիտես ինչով են զբաղվում»,- կառավարության դիմաց պատասխանելով լրագրողների հարցերին և անդրադառնալով Արայիկ Հարությունյանի հրաժարականը պահանջող ուսանողների բողոքն, ասաց դերասան Վիգեն Ստեփանյանը:
Դիտարկմանը, թե վարչապետը երեկ ԱԺ ամբիոնից հայտարարեց, որ հպարտանում է Արայիկ Հարությունյանով, Վ. Ստեփանյանն արձագանքեց. «Ես չեմ զարմանում, դա էլ իր պաշտոնն է թելադրում:
Եվ հետո, ես չեմ հավատում, որ Արայիկ Հարությունյանի գնալով ինչ-որ բան կփոխվի: Եթե գնա Արայիկ Հարությունյանը, ո՞վ կգա: Նրանից հետո լավերին հազար պիտակ կկպցնեն և կբերեն իրենց թեկնածուին»,- կարծիք հայտնեց դերասանը:
Ներկայիս խորհրդարանի մասին էլ ասաց. «Ի՞նչ է մեր խորհրդարանը. ինչ ուզում եք ասեք, ինչպես ուզում եք դիմադրեք, ընդդիմացեք, «իմ քայլը» կստանա այն, ինչ ուզում է»:

Մեկնաբանություններ

Համընկնող լուրեր