Տեսանյութ.Խավարման կարգ` ի հիշատակ Քրիստոսի մատնության և չարչարանքների          Մարտի 29-ին կդադարեցվի հետևյալ հասցեների ջրամատակարարումը       Տեսանյութ.Ավագ Հինգշաբթի՝ Սուրբ Հաղորդության խորհրդի հաստատում, Խորհրդավոր ընթրիք    

25 դեկ 2019 13:13

Ինչ ցուցմունք է տվել «Մարտի 1-ի» գործով տուժողը, որից Քոչարյանի աջակիցը առաջարկել էր հրաժարվել

«Ժողովուրդ» օրաթերթը հրապարակել է «Մարտի 1-ի» գործով տուժող Վրույր Գաբրիելյանի այն ցուցմունքը, որից ըստ ՀՀ ոստիկանության հաղորդագրության՝ Ռոբերտ Քոչարյանի աջակից ներկայացող Վարուժան Մկրտչյանը համոզել է հրաժարվել։
«Ուսումնասիրելով ցուցմունքը այնտեղ որեւէ տող չկա Ռոբերտ Քոչարյանի կամ այլ պաշտոնատար անձի մասին:



Մասնավորապես, ՃՈ դասակի հրամանատար Վրույր Գաբրիելյանը «Մարտի 1-ի» գործով ցուցմունք է տվել եւ հայտնել է ՀՔԾ քննիչներին, որ ՀՀ ոստիկանությունում ծառայում է 2005 թականից եւ ներկայումս զբաղեցնում է ՀՀ Ճանապարհային ոստիկանության 2-րդ սպայական գումարտակի 4-րդ վաշտի առաջին դասակի հրամանատարի պաշտոնը:
Վերջինս ՀՔԾ քննիչներին հայտնել է, որ 2008 թվականի մարտի 1-ին ժամը 5:30 գտնվել է տանը, երբ ՊՊԾ գնդից զանգահարել են եւ ասել են, որ տագնապ է: ՀՔԾ քննիչը հարցադրում է արել նշելով, թե Ազատության հրապարակում սեւ համազգեստով, դիմակավորված անձանց տեսել է, թե ոչ, եթե տեսել է,ապա ինչ գործողություններ են արել:
Ի պատասխան Վրույր Գաբրիելյանը հայտնել է, որ նման մարդկանց չի նկատել: ՀՔԾ քննիչի հարցադրումները այսքանով չեն սահմանափակվել։ Վերջնիս ՃՈ պաշտոնատար անձից հետաքրքրվել է, թե արդյոք Երեւան քաղաքի վարչության պետի տեղակալ Սաշա Աֆյանը ՊՊԾ գնդում եղել է եւ անձնակազմին հրամաններ տվել է:
Ի պատասխան՝ Վրույր Գաբրիելյանը ցուցմունք տալով հայտնել է, որ Սաշա Աֆյանը ՊՊԾ գնդում չի եղել եւ իրենց հանձնարարական չի տվել եւ ըստ ՃՈ պաշտոնատար անձի իրենք Սաշա Աֆյանին այլ տեղ է տեսել:
Ստորեւ ներկայացնում ենք «Մարտի 1-ի» գործով տուժող Վրույր Գաբրիելյանի ցուցմունքը, որտեղ որեւէ տեղ Ռոբերտ Քոչարյանի, Սերժ Սարգսյանի, Լևոն Տեր Պետրոսյանի կամ ոստիկանության որեւէ պաշտոնատար անձի նկատմամբ որեւէ ցուցմունք տրված չէ կամ որեւէ ուշագրավ տեղեկություն ՀՔԾ քննիչին չի հայտնվում, ուստի հարց է առաջանում Վարուժան Մկրտչյանը կամ Արմեն Թավադյանը, ինչու պետք է ճնշեին ՃՈ դասակի հրմանատարին, որ նա ցուցմունքը հետ վերցներ:Հուսանք այս հարցերի պատասխանը կտա քննությունը»,-գրում է թերթը:
Հիշեցնենք, որ, ըստ Ոստիկանության տարածած հաղորդագրության՝ Վարուժան Մկրտչյանը «Մարտի 1-ի» գործով տուժողներից մեկին առաջարկել է ցուցմունքից հրաժարվել եւ դրա դիմաց գումար ստանալ։
Մկրտչյանին մեղադրանք է առաջադրվել ՀՀ քրեական օրենսգրքի 340-րդ հոդվածի 4-րդ մասի 1-ին կետով (Սուտ ցուցմունք տալու նպատակով վկային կամ տուժողին սուտ ցուցմունք տալու նպատակով կաշառելը, որոնք կատարվել են կազմակերպված խմբի կողմից): «Ժողովուրդ» օրաթերթին հայտնի է դարձել, որ անձը, որին իբր փորձել են համոզել, որ ցուցմունքից հրաժարվի Մարտի 1-ի գործով տուժող Վրույր Գաբրիելյանն է, որ ներկայումս ՃՈ դասակի հրամանատար է:
Երեկ, ինչպես հայտնի է, ձերբակալվեց «5-րդ ալիքի» սեփականատեր Արմեն Թավադյանը: Պարզվեց, որ վերջինս ձերբակալվել է Ռոբերտ Քոչարյանի աջակից Վարուժան Մկրտչյանի քրեական գործի շրջանակներում նույն հոդվածով նախատեսված հանցավոր արարք կատարելու կասկածանքով:


Մեկնաբանություններ


Համընկնող լուրեր