19-ամյա տղան դաժանաբար սպանել է 91-ամյա մանկապիղծ հոգևորականին՝խաչով հարվածելով կոկորդին
Ֆրանսիայի Ուասա նահանգում 19-ամյա Ալեքսանդր Վ.-ն դաժանաբար սպանել է 91-ամյա մանկապիղծ հոգևորական Ռոջեր Մատասոլին՝ խաչով հարվածելով կոկորդին: Այս մասին հայտնում է The Daily Mail-ը:Նշվում է, որ հոգևորականին հայտնաբերել են ոստիկանության ծառայողները՝ մարմնի վրա բռնության նշաններով։ Ամենայն հավանականությամբ, հոգևորականը մահացել է օդի պակասից: Հայտնի է, որ դեպքը տեղի է ունեցել նոյեմբերի 4-ին, բայց դրա մասին տեղեկությունները հայտնվել են միայն հիմա:
Մարդասպանին նախ մեղադրանք է առաջադրվել խոշտանգման, սպանության և ձերբակալման պահին դիմադրություն ցույց տալու համար:
Հաղորդվում է, որ մահացած քահանան 1960-2000 թվականներին առնվազն չորս տղաների դրդել է այլասերված գործողությունների: Ըստ որոշ տեղեկությունների, նա կարող էր ներգրավված լինել նաև Ալեքսանդր Վ.-ի նկատմամբ այլասերված գործողություններին, քանի որ ոստիկանությունը դիտարկում է վրեժ լուծելու շարժառիթը: Կասկածյալն ասել է, որ չի հիշում սպանության պահը:
