14:10 - Օրվա իշխանությունն ունի խնդիր՝ արագ ձերբազատվելու ինձնից         13:52 - Տեսանյութ. Ի պատասխան ՀՔԾ հայտարարութանը Մակինյանը տեսանյութ է հրապարակել Թովմասյանի բնակարանից      13:32 - Որտեղ են այս պահին սրտի ստենտավորման ամենամատչելի գները գործում. գնացուցակ    

11 հուն 2020 19:03

Ո՞վ է պատասխանատու իմ առողջական վիճակն էլ ավելի վատթարացնելու և սխալ վիրահատության համար

Ո՞վ է պատասխանատու իմ առողջական վիճակն էլ ավելի վատթարացնելու և սխալ վիրահատության համար
Լուսինե Հովհաննիսյանը արդեն 9 ամիս է չի կարողանում շարժել ձախ ձեռքը կամ այն սահմանափակ է օգտագործում:
2019 թվականի մարտի 1-ին վիրահատության է ենթարկվել Երևանի Վլադիմիր Ավագյանի անվան բժշկական կենտրոնում, որից հետո, էլ խնդիրն առաջ է եկել: 
 
2018թ. դեկտեմբերին դիմել եմ Medical Center after Vladimir Avagyan ձախ ձեռքի մատների թմրոցի գանգատով: Ինձ ընդունել է վերոնշյալ կենտրոնի անոթային վիրաբույժ Լևոն Մանուկյանը, որի ցուցումով կատարվել է ռենտգեն հետազոտություն: Ըստ Լևոն Մանուկյանի՝ ձախ ձեռքի մատների թմրոցի պատճառն էր ինձ մոտ առկա (ըստ ռենտգենի) հավելյալ պարանոցային կողը: Նա խորհուրդ տվեց առողջական խնդիրը վերացնելու նպատակով կատարել հավելյալ պարանոցային կողի մասնակի հատում: Նշեց նաև, որ ինձ մոտ առկա է նախաինսուլտային վիճակ, զարգացող անևրիզմա,  իսկ նման բարդության վիրահատություն Հայաստանում իրականցվում է միայն Տ. Սուլթանյանի կողմից:

Medical Center after Vladimir Avagyan-ի կողմից համապատասխան հայտ է ուղարկվել Ingo Armenia ապահովագրական ընկերություն նշված վիրահատությունը իրականացնելու համար: Հայտը բավարարվել է և 2019թ. մարտի 1-ին կատարվել է հայտի մեջ նշված վիրահատությանը բոլորովին չհամապատասխանող վիրահատություն (պետք է մասնակի հատվեր հավելյալ պարանոցային կողը, մասնակի հատվել է առաջին կողը): Կատարված վիրահատությունից հետո վիճակս ոչ թե բարելավվել է այլ ընդհակառակը՝ դարձել եմ հաշմանդամ: Վիրահատության ընթացքում վնասվել է ձախ թոքի պլեվրան, musculocutaneus նյարդը: Այդքանից հետո դուպլեքս հետազոտությունը ունի նույն պատկերը թե՛ վիրահատությունից առաջ, թե՛ վիրահատությունից հետո, այսինքն առողջական խնդիրը ոչ միայն չի վերացվել, այլ դրան ավելացել են այլ բարդություններ: Վիճակս բարելավելու համար դիմել եմ Հայաստանի գրեթե բոլոր բժշկական կենտրոնները, անցել եմ րեաբիլիտացիայի մի քանի փուլեր: 

Այս ամիսների ընթացքում այտուցված և կապույտ ձեռքով բազմիցս դիմել եմ Medical Center after Vladimir Avagyan: Շատ դժգոհ եմ իրենց վերաբերմունքից. վիրահատող բժիշկի զբաղված լինելու պատճառաբանությամբ՝ (Տ.Սուլթանյանը հանդես է գալիս որպես անոթային բաժանմունքի ղեկավար թվով երեք բժշկական կենտրոններում՝ Միքայելյանի անվ. ԲԿ, «Աստղիկ» ԲԿ և վերոնշյալ Վլ.Ավագյանի անվան ԲԿ) մինչև վիրահատությունը Տ.Սուլթանյանը ինձ չի տեսել, իսկ հետվիրահատական շրջանում նա ինձ տեսել է երկու անգամ, փոխարենը ընդունել է Լևոն Մանուկյանը: Չմոռանամ նաև հավելեմ այն փաստը, որ ինձանից որպես սոց. փաթեթի շահառու գանձվել է ապօրինի գումար, ինչի մասին տեղյակ են Ingo Armenia ապահովագրական ընկերությունում: Այդ հարցը բարձրացնելուց (բողոքից) հետո միայն իմ կողմից վճարված գումարը հետ է վերադարձվել:
Ո՞վ է պատասխանատու իմ առողջական վիճակը էլ ավելի վատթարացնելու, սխալ վիրահատության համար:

Մեկնաբանություններ

Համընկնող լուրեր