12:32 - Այսօր նշվում է Խաղողօրհնեքը՝ Աստվածածնի Վերափոխման տոնը         17:20 - Ադրբեջանը մարտական կրակ է իրականացրել զենիթահրթիռային համակարգերից (լուսանկարներ)      17:05 - Արտակարգ պատահար Կոտայքի մարզում. բնակիչն առավոտյան ոչխարներին հոշոտված է գտել    

08 օգոս 2019 15:17

Իշխանության հասած մի խումբ պաշտոնյաներ Ստամբուլյան կոնվենցիան պարտադրելով, Փաշինյանի իշխանությանը հանում են հայ ժողովրդի դեմ

2019 թ. օգոստոսի 8-ին Հայկական արժեքների պաշտպանության «Կամք» հասարակական նախաձեռնության կենտրոնական գրասենյակում տեղի ունեցավ «Կամք»-ի կենտրոնական խորհրդի արտակարգ նիստ: Նիստի նպատակն էր քննարկել Կոնվենցիայի վավերացման կողմնակիցների կողմից վերջերս սկսված հանրային քննարկումներ որակվող անհասկանալի միջոցառումները, և հատկապես 2019թ. օգոստոսի 6-ին Հայ Եկեղեցու Համաշխարհային երիտասարդական միավորման հրավերով տեղի ունեցած Ստամբուլյան կոնվենցիայի շուրջ անցկացված քննարկումները:
Խորհուրդը արձանագրեց, որ օգտագործելով պետական պաշտոններն ու հանրային միջոցները, որոշ պաշտոնյաներ բացահայտ փաստերը խեղաթյուրելով, օգտագործելով իրենց կողմից վերահսկվող լրատվամիջոցները, փորձում են ժողովրդին մեկուսացնել իրականությունից: Մյուս կողմից՝ նրանք իշխանությունից թաքցնում են նաև այն փաստը, որ հայ ժողովրդի բացարձակ մեծամասնությունը դեմ է Ստամբուլյան կոնվենցիայի վավերացմանը: Փոխարենը փորձում են հավատացնել, որ կոնվենցիային հակադրվում են ընդամենը հետադիմական, մեկուսացած խմբերը:
Մենք լիահույս ենք, որ Հայաստանի Հանրապետության ղեկավարությունը կգիտակցի այն փաստը, որ հեղափոխության ճանապարհով իշխանության հասած այդ մի խումբ պաշտոնյաները, Ստամբուլյան կոնվենցիան պարտադրելով, Նիկոլ Փաշինյանի իշխանությանը հանում են հայ ժողովրդի դեմ: Խորհուրդը քննարկեց նաև Ստամբուլյան կոնվենցիայի դեմ արդեն երեք շաբաթից ավել ընթացող ստորագրահավաքը և մեծ գոհունակությամբ արձանագրեց, որ Հայաստանի բնակչության բոլոր խավերը դեմ են կոնվենցիայի վավերացմանը: Վերոնշյալ փաստերը գրանցելուց հետո, Հայկական արժեքների պաշտպանության «Կամք» հասարակական նախաձեռնության կենտրոնական խորհրդի արտակարգ նիստի անդամները միաձայն որոշեցին՝
չմասնակցել այսպես կոչված հանրային կեղծ քննարկումներին,
ակտիվացնել Հայաստանի քաղաքացիների հետ անմիջական շփումները,
երկուշաբթի` օգոստոսի 12-ից ստորագրահավաքներ սկսել Երևանից դուրս` մարզերում,
անմիջապես հրապարակել մարզեր այցելությունների ժամանակացուցակը:
Վերջում՝ կենտրոնական խորհուրդը կոչ ուղղեց կոնվենցիայի կողմնակից ուժերին` զերծ մնալ ՀՀ իշխանություններին և քաղաքացիներին խաբելու մարտավարությունից, որովհետև հայ ժողովուրդն արդեն իր խոսքն ասել է՝ Ստամբուլյան կոնվենցիան Հայաստանում չի վավերացվելու:

Երևան, Օգոստոսի 8, 2019թ․ Հայկական արժեքների պաշտպանության «Կամք» հասարակական նախաձեռնություն
Հ․Գ․ Հայտարարությանը կից տեղադրում ենք ստորագրահավաքի համար մարզեր այցելելու  ժամանակացույցը։
ԺԱՄԱՆԱԿԱՑՈՒՅՑ
Օգոստոսի 12-17                              Շիրակի մարզ

Օգոստոսի 19-24                              Արագածոտնի մարզ
Օգոստոսի 26-31                               Արմավիրի մարզ
Սեպտեմբերի 2-7                              Արարատի մարզ
Սեպտեմբերի 9-14                            Գեղարքունիքի մարզ
Սեպտեմբերի 16-21                          Կոտայքի մարզ
Սեպտեմբերի 23-28                           Լոռու մարզ
Սեպտեմբերի 30-Հոկտեմբերի 5      Տավուշի մարզ

Հոկտեմբերի 7-12                               Սյունիքի մարզ
Հոկտեմբերի 14-19                             Վայոց Ձորի մարզ
«Կամք» հասարակական նախաձեռնության կենտրոն

Մեկնաբանություններ

Համընկնող լուրեր