12:15 - Արցախի ՊՆ. Զինծառայողի սպանության մասին լուրերը սուտ են         11:55 - Դուք պատասխանատու եք այն մարդկանց համար, ում ուղեղը լվացել եք,Դուք պետք է ուտեք այն բորշը, որ ինքներդ եք եփել      11:35 - Գիտնականներն ապացուցել են, որ մահամերձ եւ անգիտակից վիճակում գտնվող մարդը շարունակում է լավ լսել    

13 հուն 2020 14:59

Ուշադիր եղեք՝ օդանավակայանում սյուրպրիզների չհանդիպեք

«Այն գինը, որ տեսնում եք կայքում, բուն ավիատոմսի գինն է, պետք է հաշվի առնել, որ գումարը կարող է ավելանալ»,- լրագրողների հետ հանդիպմանն ասաց  ՀՀ քաղաքացիական ավիացիայի կոմիտեի ղեկավար Տաթևիկ Ռևազյանը՝  խոսելով բյուջետային ավիաընկերությունների, մասնավորապես Ryanair-ի թռիչքների մասին:

Նա նշեց, որ եթե հնարավոր էլ լինի 30 եվրոյով տոմս առնել, պետք է անպայման շատ ուշադիր լինել, դա բուն  ավիատոմսի գինն է,  այդ դեպքում շատ փոքր բեռ կարելի է վերցնել, որը կարող է տեղավորվել աթոռի տակ, իսկ եթե ավելի մեծ ճամպրուկ են ուզում վերցնել, պետք է ավելի գումար վճարել: 

«Ուշադիր պետք է նայել ավիաընկերության կայքում, ամեն տողը կարդալ, որ գինն ինչ է ներառում, որ պարագայում, ինչ պայմաններում: Ավիաընկերությունները կայքերում այնպես են տվյալները տեղադրում, որ հետո դժվար կլինի ուղևորին գալ ու ասել,  որ իրենց չեն ասել: Հաստատ մի տեղ գրված լինելու է, քիչ հավանական է, որ այնպիսի խնդիր գտնել, որ  մի տեղ նշված չէ»,- ասաց Տ.Ռևազյանը:

Նա նշեց, որ խնդիրներ կարող են առաջանալ ռեգիստրացիայի պահով:

«Կան տոմսերի տարբերակներ, որոնք անպայման պահանջում են տանն օն-լայն չեքին անել, եթե դա չարվի, դրա համար էլ են առանձին վճար վերցնելու հենց չեքինի մոտ: Կարևոր է այս ամեն ինչը իմանալ մինչև օդանավակայան հասնելը, քանի որ Ryanair-ի նման ավիաընկերությունը կարողանում է իր ծախսերը նվազեցնել, օրինակ, պահանջելով  օդանավակայանից, որ  պետք է կարողանալ սպասարկել օդանավանը 25 րոպեի ընթացքում: «Զվարթնոցում» աշխատողները հնարավորություն չեն ունենա վիճել ուղևորների հետ, թե որն է ճիշտ, քանի որ իրենք 25 րոպեում պետք է դատարկեն օդանավանը, 25 րոպեում պատրաստեն օդանավը թռիչքի: Ուղևորները եթե ոչ պատրաստված գան,  իրենք են տուժելու, քանի որ իրենց իրավունք ունեն մերժել: Իրավունք չունեն օդանավը ուշացնել: Շատ պատրաստված պետք է գնալ օդանավակայան, որ սյուրպրիզներ  չլինեն»,- մանրամասնեց Տ.Ռևազյանը:

Խոսելով դեպի Ղրիմ չվերթների մասին, նա նշեց, որ  արդեն երկրորդ անգամ հերքում են տեղեկությունը. «Նման բան չկա: Նորից կհերքեմ։ Չգիտեմ՝ ում է պետք նման տվյալներ տարածել, դա մեզ հետո որևէ կապ չունի, որևէ քայլ չկա և չի էլ նախատեսվում»:

Նա հայտնեց, որ Եվրոպական հանձնաժողովը ժամանելու է Հայաստան, փետրվարի 3-7-ը տեղում աուդիտ է իրականացնելու։
«Շատ լուրջ կազմով են գալու, որը մեզ ձեռք է տալիս։ Դա նշանակում է, որ մենք Եվրոպայի  համար առաջնահերթություն ենք: Ամեն օր զբաղված ենք, պատրաստվում ենք, որ աուդիտը լավ անցնի։ Պարզ է, որ բոլոր խնդիրները չենք հասցնի լուծել մինչև աուդիտը: Մեզանից դա չեն էլ սպասում, սպասում են, որ մեր խնդիրները հասկանանք, ինչպես ենք նախատեսում լուծել, որքան ժամկետում», - ասաց նա։
 

Մեկնաբանություններ

Համընկնող լուրեր