18:33 - Փետրվարի 20-ին, ժամը՝ 13 00-ին Հայացք մամուլի ակումբի հյուրն է «Ժառանգություն» կուսակցության նախագահ Անդրանիկ Գրիգորյանը         18:02 - Տեսանյութ. Սահմանադրության ոչ թե մեկ դրույթի, այլ ամբողջական փոփոխություն է պետք      17:02 - Առանց ուժի ցուցադրության կոնստրուկտիվիզմը դիտարկվում է թուլություն. Աշոտյանը՝ Փաշինյանին    

24 հուն 2020 12:32

Տեսանյութ. Կոչ քաղաքացիներին. փոստի միջոցով դեղորայք չուղարկել կամ չստանալ

ՊԵԿ-ը քաղաքացիներին հորդորում է փոստի միջոցով դեղորայք չուղարկել կամ չստանալ: Այսօր հրավիրված ասուլիսում ՊԵԿ Մաքսանենգության դեմ պայքարի վարչության պետ Վարդան Վարդանյանն ասաց՝ 2019 թվականի վիճակագրությունը ցույց է տալիս, որ մաքսային ծառայության կողմից հայտնաբերված թմրամիջոցների և հոգեմետ նյութերի դեպքերի գրեթե կեսը փոստային առաքումների միջոցով ներմուծված դեղամիջոցներն են: «Դրանց մեջ բավականին մեծ թիվ են կազմում ոչ հանցավոր նպատակով դեղերի տեղափոխումը՝ նախատեսված տարբեր հիվանդություններով տառապող անձանց համար: Սակայն, ինչպես բազմիցս մենք նշել ենք, օրենսդրությամբ չի թույլատրվում միջազգային փոստային և սուրհանդակային առաքումներով ֆիզիկական անձանց կողմից դեղերի տեղափոխումը»,- ասաց նա: Վարդանյանի խոսքով՝ այդ դեղերի պարունակության մեջ հոգեմետ նյութերի կամ թմրամիջոցի առկայությունը հիմք է տալիս սկսելու քրեական վարույթ. «Ուստի նման իրավիճակներից խուսափելու համար ևս մեկ անգամ ուզում եմ հորդորել քաղաքացիներին, որպեսզի ձեռնպահ մնան առաքումների միջոցով ցանկացած տեսակի դեղամիջոցներ ուղարկելուց և ստանալուց»: Մանրամասները՝ տեսանյութում: 


Մեկնաբանություններ

Համընկնող լուրեր