Տեսանյութ.Բռնությամբ սպանված 65-ամյա ճարտարցու աճյունը դեռ ադրբեջանական կողմը չի հանձնել          Ե՛վ Բաքվի կողմից ֆինանսավորվող, և՛ կիսապաշտոնական ռուսական լրատվամիջոցները միևնույն երգն են երգում       Մարտակերտի բնակիչը մարտական նռնակի պայթեցմամբ կատարել է սպանություն    

29 հուն 2020 15:54

Ջերմությունը չափելը նույնն է, թե ոչինչ չանել կորոնավիրուսի մուտքը ՀՀ կանխելու համար. Չինաստանից Հայաստան ժամանած ուղևոր

Ֆեյսբուքյան օգտատեր Լիլիթ Ղազարյանը, որ վերադարձել է Չինաստանից, հետևյալ գրառումն է արել.
«Չինաստանում ապրող ու աշխատող մի քանի հարյուր հայեր վերադարձել ու վերադառնում են Հայաստան, այդ թվում՝ ես ու իմ ընտանիքը։ Միակ ստուգումը, որ քիչ առաջ անցանք Չինաստանի օդանավակայանում, մարմնի ջերմության չափումն էր, մինչդեռ Կորոնավիրուսն իր գաղտնի շրջանում կարող է նաև չուղեկցվել ջերմության բարձրացմամբ, այսինքն՝ մենք բոլորս պոտենցիալ վիրուսակիրներ ենք… Հայաստանում՝օդանավակայան հասնելուն պես գոնե Չինաստանից ժամանած յուրաքանչյուր ուղևորի հիվանդանոց էր պետք տեղափոխել հենց օդանավակայանից՝ համալիր բուժզննում անցնելու նպատակով: Ջերմությունը չափելը նույնն է, թե ոչինչ չանել վիրուսի մուտքը Հայաստան կանխելու համար…
Կարծում եմ՝ այս ընթացքում Հայաստան անպայման չինացիներ էլ են ժամանել և էլի առանց լուրջ բուժզննման դուրս եկել օդանավակայանից։ Գուցե շուտով ՀՀ առողջապահության նախարարությունն ու մնացած կառույցները լուրջ միջոցառումներ կձեռնարկեն վերոնշյալի ուղղությամբ, բայց այդ «շուտով»-ն արդեն ուշ է…
Հ.Գ. «ՀՀ առողջապահության նախարարությունը խիստ ռեժիմով իրականացնում է ծառայություն։ Իսկ Չինաստանից ժամանած մեր հյուրերը ՀՀ տարածքում գտնվելու ամբողջ ընթացքում գտնվում են վերահսկողության տակ»,- տեղեկացնում է ՀՀ առողջապահության նախարարությունը։ Առողջ լինենք»:

Մեկնաբանություններ

Համընկնող լուրեր