Օդի ջերմաստիճանը աստիճանաբար կբարձրանա 8-10 աստիճանով. եղանակն առաջիկա օրերին          Տեսանյութ.Ինչպես հաղթահարել ներանձնային կոնֆլիկտը և դառնալ սեփական կյանքի տերը       Տեսանյութ.Հանձնել է այդ չորս գյուղերը և Սյունիքն էլ է հանձնելու. դուք խոսքի, խոստումների համար տալիս եք տարածքի մի մա՞սը    

28 փետ 2020 12:14

Իրազեկում քաղաքացիներին. պարտապանի աշխատավարձի վրա բռնագանձում տարածելու հիմքերը եւ չափը

«Դատական ակտերի հարկադիր կատարման մասին» ՀՀ օրենքի 56-րդ հոդվածի համաձայն՝
Պարտապանի աշխատավարձի եւ այլ եկամուտների վրա բռնագանձում կարող է տարածվել, եթե՝



•    պարտապանը չունի գույք, կամ եղած գույքը բավարար չէ բռնագանձվող գումարը լրիվ մարելու համար
•    կատարվում է պարբերաբար մուծումների բռնագանձման վերաբերյալ վճիռ,
•    մինչեւ 200 000 դրամ բռնագանձման ենթակա պահանջով կատարողական վարույթով, եթե պարտապանը չունի դրամական միջոցներ կամ դրանք անբավարար են: Այս մասին հայտնում են Հարկադիր կատարման ծառայությունից:
Աշխատավարձից կատարվող պահումների չափի վերաբերյալ.
«Դատական ակտերի հարկադիր կատարման մասին» ՀՀ օրենքի 58-րդ հոդվածի համաձայն՝
Պարտապանի աշխատավարձից եւ դրան հավասարեցված վճարներից կարող է պահվել առավելագույնը 50 տոկոս:
Օրենքը նախատեսել է բացառություն հետեւյալ 3 դեպքերի համար, երբ պահումների չափը չի կարող գերազանցել աշխատավարձի եւ դրան հավասարեցված վճարների 75 տոկոսը՝
• բռնագանձվում է ալիմենտ,
• հատուցվում է առողջությանը, ինչպես նաեւ կերակրողի մահվամբ պատճառված   վնասը,
• հատուցվում է հանցագործությամբ պատճառված վնասը:
Պարտապանի կենսաթոշակի վրա կարող է բռնագանձում տարածվել առավելագույնը՝ 30 տոկոսի չափով:
Սակայն, եթե վարույթ հարուցելու պահին առկա է կուտակված աշխատավարձ կամ կենսաթոշակ, բռնագանձումը տարածվում է դրանց վրա ամբողջությամբ՝ բացառությամբ արգելանք կիրառելուն նախորդող մեկ ամսվա համար ստացվածը, որի վրա բռնագանձում տարածվում է վերը նշված չափերով:






Մեկնաբանություններ


Համընկնող լուրեր