20:50 - «Ազատ հայրենիք-ՔՄԴ» կուսակցությունների դաշինքն արձագանքել է Վիտալի Բալասանյանի հայտարարությանը         17:00 - Տեսանյութ.Կապ չունի տանից 100 մետր եք հեռու, թե՝ 5 կմ, կողքի շենքի խանութ,100 հազար դրամով կտուգանվեք      16:32 - Զգուշացնում եմ,չափերը մի անցեք. Վիտալի Բալասանյանն ահազանգում է    

12 մար 2020 13:21

Տեսանյութ. Ապատեղեկատվություն¯ կրթական հաստատությունները փակելու և քարոզարշավը չեղարկելու մասին

Էջմիածնի քաղաքապետ Դիանա Գասպարյանը ֆեյսբուքյան ուղիղ եթերով անդրադարձավ բժիշկ Գևորգ Գրիգորյանի հայտարարությանը՝ նշելով, որ այն ապատեղեկատվություն է: «Հարսանիքում երեք քաղաքացիների կորոնավիրուսով վարակվելու մասին լուրը ծայրից ծայր սուտ է: Կա միայն մեկ վարակակիր: Ես կարծում եմ, որ չի կարելի նման հայտարարություններով խուճապ ստեղծել հանրապետությունում և այսպես ստել»,- ասաց քաղաքապետը:
Խոսելով վարակված քաղաքացու մասին, նշեց, որ նա տանը չէ, Նորքի ինֆեկցիոն հիվանդանոցում է և այս պահին նրա վիճակը ծանր չէ:
Կրթական հաստատությունները փակելու առաջարկությունների մասին էլ ասաց, որ դրա կարիքն առայժմ չկա: «Մանկապարտեզները փակելու որոշում չենք կայացրել այս պահին: Ասեմ, որ շատ խիստ հիգիենա է պահպանվում, իմ անձնական վերահսկողության ներքո են նախադպրոցական հաստատությունները: Այս պահին միայն քննարկվում է նախնական մեկ շաբաթով սպորտդպրոցը փակելու հարցը: Բոլոր դպրոցներին ու կրթական հաստատություններին տրամադրել ենք անհարժեշտ պարագաները՝ մաքրությունը և սանիտարահիգիենիկ նորմերը պահպանելու համար:
Խոսելով քարոզարշավի մասին, Դ. Գասպարյանն ասաց, որ հաշվի առնելով Էջմիածնում մեկ վարակակրի փաստը, Զվարթնոց թաղամասում իր մասնակցությամբ կայանալք քարոզարշավը չեղարկվել է:


Մեկնաբանություններ

Համընկնող լուրեր