Պուտինը թքած ունի պատժամիջոցների վրա.պատժամիջոցների հետևանքով ստացել է նույնքան եկամուտ, որքան որ կորցրել է
Ռուսաստանի Դաշնության նախագահ Վլադիմիր Պուտինը, մեկնաբանելով Եվրոպայի և ԱՄՆ-ի կողմից հակառուսական պատժամիջոցների սահմանումը, հայտարարել է, որ «երկիրը թքած ունի» դրանց վրա, քանի որ պատժամիջոցների հետևանքով ստացել է նույնքան եկամուտ, որքան որ կորցրել է:Պուտինն այս մասին ասել է ՏԱՍՍ գործակալությանը տված հարցազրույցում:
«Թքած ունենք այդ պատժամիջոցների վրա»,-ասել է ՌԴ նախագահը՝ մանրամասնելով, որ երկիրը դրանց հետևանքով կորցրել է 50 մլրդ դոլար, բայց միևնույն ժամանակ այդքան էլ աշխատել է:
Պուտինի խոսքով՝ պատժամիջոցները հնարավորություն տվեցին «միացնել ուղեղն» ու սեփական արտադրություն սկսել մի շարք ոլորտներում, ինչպես նաև զարգացնել գյուղատնտեսությունն ու ազատել ներքին շուկան:
