Ճապոնիայում մահացել է ուրիշներինդիտավորյալ վարակելու համար կարանտինը խախտած տղամարդը
Ճապոնիայում մահացել է Գամագորի քաղաքի (Աիչի պրեֆեկտուրա) բնակիչը, ով դիտավորությամբ մարդկանց վարակում էր կորոնավիրուսով, հայտնում է «ՌԻԱ Նովոստի»-ն՝ վկայակոչելով Kyodo գործակալությունը:Ըստ գործակալության տեղեկությունների` տղամարդը մահացել է հիվանդանոցում: Մահվան պատճառները չեն նշվում:
Մարտի 4-ին 57-ամյա ճապոնացու մոտ նոր տիպի կորոնավիրուս էր հայտնաբերվել: Բժիշկները չէին կարողացել նույն օրը հոսպիտալացնել նրան եւ խնդրել էին մնալ տնային կարանտինում: Սակայն, փոխարենը, տղամարդն ընտանիքին հայտարարել էր, որ կգնա «վիրուսը տարածելու»: Նա բար եւ ֆիլիպինյան փաբ էր գնացել, որտեղ մի քանի օր անց աղջիկներից մեկի մոտ նույնպես կորոնավիրուս էր հայտնաբերվել: Երկու հաստատություններն էլ այժմ կարանտինացված են:
