Տեսանյութ.Գլուխն եմ կտրելու այն մարդու, ով կոռուցպիայով է զբաղվելու,եթե մեկի մտքով կարող անցնել, որ կարող է դավաճանել ժողովրդին
Հայաստանի Հանրապետությունը և Երևան քաղաքը՝ որպես դրա մի մաս, որպես մայրաքաղաք, ապրում են նոր իրողությունում, այդ իրողությունն այն է, որ այլևս չկան մշտական շահող ընկերություններ, որոնք մշտական ունեն, որոնք գալիս են և 5, 10 տարի իրենք են անում այդ գործը: Այս մասին Երևանի ավագանու նիստում հայտարարեց քաղաքապետ Հայկ Մարությանը:«Այլևս դա չկա և դա նոր իրողություն է, եկել է նոր իշխանությունը և ասել է, որ այսուհետ մրցույթները պետք է լինեն ազնիվ, թափանցիկ ու բոլորի համար: Երբ մենք եկել ենք իշխանության, պարզվել է, որ բոլոր վարչություններում մրցույթների համար տեխնիկական բնութագիր գրողներ չեն եղել, իսկ չեն եղել քանի որ նախկինում դրա կարիքը չի եղել: Ի՞նչ մրցությի մասին է խոսքը, երբ պարզ է եղել՝ էս մարդն է հաղթելու, նա ունի 10 տարվա մշտական: Անցած տարի մենք վերջ տվեցինք այդ ամեն ինչին»,- նշեց քաղաքապետը:
Նրա խոսքով՝ քայլեր են արվել գնումների պրոցեսը փոփոխելու, բերելու նոր իրողություն,ավելի մեծ պատասխանատվություն դնելու. «Պետք է մեր հաշվարկներով լավ լինի, բայց կլինեն նաև խնդիրներ, որովհետև մենք դրել ենք 100 տոկոսանոց բանկային երաշխիք, էդտեղ էլ բարդույթուններ կան և կարող են չմանսակցել որոշ մրցույթների, դա էլ պետք է անցնենք, շտկումներ կարվեն: Դա պետք է 20 տարի առաջ արվեր, մենք էլ հիմա խոսեինք ավելի բարձր մատերիաներից»,- ասաց Մարությանը:
Հայկ Մարությանը վստահեցրեց՝ քանի ինքը քաղաքապետ է, «գառանտն» է նրա, որ այդ համակարգային փոփոխությունները արվեու են. «Երաշխավորն եմ նրա, որ արվելու է 100 տոկոսով ազնիվ, թափանցիկ, արդար, առաց կոռուպցիայի, գլուխն եմ կտրելու այն մարդու, ով կոռուցպիայով է զբաղվելու: ՀՀ ժողովուրդը վստահել է մեզ, և եթե մեկի մտքով կարող անցնել, որ կարող է դավաճանել ժողովրդին՝ ամենակոպիտ պատասխանն է ստանալու բոլորի կողմից: Սա հիմնական մեր գործն է այսօր, որ ամեն ինչը պետք է լինի ազնիվ, որովհետև ժողովուդրը մեզնից սպասում է դա և արդյունք, արդյունք էլ է լինելու»,- ընդգծեց նա:
