Տեսանյութ.Խավարման կարգ` ի հիշատակ Քրիստոսի մատնության և չարչարանքների          Մարտի 29-ին կդադարեցվի հետևյալ հասցեների ջրամատակարարումը       Տեսանյութ.Ավագ Հինգշաբթի՝ Սուրբ Հաղորդության խորհրդի հաստատում, Խորհրդավոր ընթրիք    

27 մար 2020 16:00

ԱՄՆ-ում սկսել են կորոնավիրուսը հաղթահարած պացիենտներից պլազմա հավաքել՝ մյուսներին բուժելու համար. Time.com

New York Blood Center (NYBC)-ում սկսել են պլազմա հավաքել COVID-19 կորոնավիրուսը հաղթահարածներից, քանի որ դրա մեջ հակամարմիններ են պարունակվում, որոնք հնարավոր կլինի օգտագործել այլ պացիենտների բուժման համար, հայտնում է Time.com-ը:
Ենթադրվում է, որ կորոնավիրուսային ինֆեկցիայով պացիենտներին փոխներարկելու են դոնորական պլազմա, եւ դոնորի հակամարմինները կօգնեն օրգանիզմը վիրուսներից ավելի արագ «մաքրել»: Որոշ մասնագետներ վստահ են, որ այսպիսի բուժումը կօգնի փրկել մեծ թվով ծանր հիվանդների կյանքը՝ թեկուզ հիմա, երբ դեռեւս չկան ո՛չ պատվաստանյութեր, ո՛չ ապացուցված արդյունավետությամբ դեղեր:
Պլազմայի փոխներարկումը որոշ հիվանդությունների բուժման բավականին արդյունավետ մեթոդ է, կարծիք կա, որ այն կարող է արդյունավետ լինել նաեւ կորոնավիրուսային ինֆեկցիայի դեպքում: Միակ խնդիրն այն է, որ այս պահին ինֆեկցիայից բուժված մարդիկ քիչ են, եւ անհրաժեշտ քանակությամբ պլազմա հավաքելը կարող է բավական դժվար լինել:

Վերջերս ԱՄՆ Սննդամթերքի եւ դողորայքի որակի սանիտարական հսկողության վարչությունը (Food and Drug Administration, FDA) հավանություն է տվել պլազմայի օգտագործմամբ բուժմանը:
Պլազմա հանձնել ցանկացող բոլորին առաջարկվում է կապ հաստատել covidserumtesting@mtsinai.org էլեկտրոնային հասցեով:

Մեկնաբանություններ


Համընկնող լուրեր