Իշխանությանն անհանգստացրել է Արցախի նախագահի բաց խոսելը ՝ ՀՀ տարածքների նկատմամբ ադրբեջանական օկուպացիայի և տարածքային պահանջատիրության մասին          Տեսանյութ. Գյուղից մի փոքր աջ գազատարն է, որը ևս անցնում է ադրբեջանցիներին.Երևան-Նոյեմբերյան միջպետական ճանապարհը կարող է մնալ ադրբեջանցիների տոտալ վերահսկողության տակ       Պուտինն առանց ջանք խնայելու բանակցել է, որպեսզի դադարեցնի պատերազմը. ՀՀ ղեկավարությունը սկսում է արտահայտել այն մտքերը, որոնցով Փաշինյանը ստեղծել էր իր «Ելք» շարժումը    

18 ապր 2020 11:15

Քաղաքացիները կարող են նաև կորոնավիրուսի վճարովի թեստեր հանձնել մասնավոր ԲԿ-ներում.10 րոպեում հաստատում կամ ժխտում են վարակի առկայությունը

Կորոնավիրուսը հաստատող Rapid տեսակի թեստերով վճարովի ստուգումներ են անցկացվում Վարդանանց նորարարական բժշկական կենտրոնում: Այս մասին ԼՈՒՐԵՐ.com-ի հետ զրույցում ասաց կենտրոնի մամուլի պատասխանատու Անահիտ Հայթայանը:

«2019-nCoV թեստերը, որոնք կիրառվում են մեր բժշկական կենտրոնում արտադրված են ամերիկյան ընկերության կողմից: Այդ ընկերությունն աշխատում է միջազգային և եվրոպական չափորոշիչներով։ Թեստի ճշգրտությունը հասնում է 98.6%-ի»,- նշեց Հայթայանը։
Rapid տեսակի արագ թեստերը ստուգվողից քթից կամ կոկորդից վերցված քսուքի միջոցով 10 րոպեում հաստատում կամ ժխտում են վարակի առկայությունը: Յուրաքանչյուր քաղաքացի, ով ցանկանում է թեստ հանձնել, սակայն չունի նախարարության ցուցումը, կարող է փարատել կասկածները՝ վճարելով 25000 դրամ: Կիրառվող թեստերին հավանություն են տվել նաև ՀՀ առողջապահության նախարարությունից և ՀՀ կառավարությունից:


«Յուրաքանչյուր քաղաքացի կարող է զանգահարել 060-59-21-00 հեռախոսահամարին և ժամ գրանցել ստուգման համար: Զանգերի կենտրոնը, ճշտելով գրանցվողի գանգատները, շփումները և այլ երկրներ կատարած այցերը, հուշում է, թե որ մուտքով պետք է մտնի կենտրոն։ Առաջնային ֆիլտրը կատարվում է նախասրահում, որտեղ կատարվում է այցելուների ջերմաչափում, տրամադրվում են դիմակներ և գնահատվում յուրաքանչյուրի կարգավիճակը։ Վարակի առկայության ռիսկի դեպքում այցելուն կենտրոն է մտնում առանձնացված մուտքով և սպասարկվում մեկուսարանում: Տեղեկացնեմ նաև, որ մեր բուժաշխատողները այցելում են նաև տուն, պարզապես պետք է զանգահարել և կանչ գրանցել»,- ասաց խոսնակը։


Հարցին, թե քանի մարդ է հասցրել օգտվել վճարովի ծառայությունից՝ խոսնակը չասաց, սակայն նշեց, որ նրանց թիվը փոքր չէ:


«Թեստերի առաջին խմբաքանակն ավարտվել է, հիմա սպասում ենք նոր խմբաքանակի, որը առաջիկա շաբաթում արդեն հասանելի կլինի: Ցանկացողների քանակը բավական մեծ է, արդեն նախնական գրանցումներ ունենք հաջորդ շաբաթվա համար»,- նշեց նա:




Խոսնակի տեղեկացմամբ՝ գրանցումները կատարվում են այնպես, որ նույն ժամանակահատվածում սպասարկվեն 50%-ով պակաս այցելուներ՝ յուրաքանչյուրի համար կրկնակի մեծացնելով (4,5 մետր) նախատեսվող կենսական տարածությունը։ Բուժանձնակազմն էլ պարբերաբար անցնում է գրիպի տեսակների թեստավորում, որից հետո միայն ստանում հաճախորդին սպասարկելու թույլտվություն։ Իսկ Կենտրոնի տարածքները ախտահանվում են օրական 5 անգամ։

Մեկնաբանություններ


Համընկնող լուրեր