Սպանություն՝ Տավուշի մարզում. 3 օր որպես անհետ որոնվողի դին ու նրա ավտոմեքենան հայտնաբերվել է Վազաշեն գյուղի անտառում          Ռուս-իրանական մրցակցությունը թեժանում է Հարավային Կովկասում.Մոսկվայի համար հակասությունները Թեհրանի հետ կարող են շատ ավելի զգայուն լինել, քան վիճաբանություններն Անկարայի հետ       Լարված իրավիճակ՝ Արարատի մարզում. Դալար գյուղում 30-ամյա երիտասարդի սպանությունից հետո անհայտ անձը կամ անձինք հրկիզել են սպանություն կատարողի տունը    

30 ապր 2020 15:34

Տեսանյութ.Եվ ի՞նչ,ես ցավում եմ, բայց ի՞նչ եք ուզում, որ անեմ,չեմ կարող հրաշքներ գործել.Բրազիլիայի նախագահը` մահերի մասին

Բրազիլիայում, ըստ պաշտոնական տվյալների, կորոնավիրուսի հետևանքով 5000-ից ավելի մարդ է մահացել: Ապրիլի 28-ին երկրի նախագահ Ժաիր Բոլսոնարուն խուսափել է մեկնաբանել մահացության մեծ թիվը երկրում: Այս մասին գրում է The Guardian պարբերականը:

«Եվ ի՞նչ: Ես ցավում եմ, բայց ի՞նչ եք ուզում, որ անեմ»,-ասել է երկրի նախագահը լրագրողների հետ զրույցում, որոնք նրան հարցրել էին մեկ օրվա ընթացքում ռեկորդային 474 մահվան դեպքի մասին:

Բոլսոնարուի պատասխանը զայրույթի ալիք է բարձրացրել երկրում: Estado de Minas պարբերականը նախագահի խոսքերը տեղադրել է իր սև շապիկին`մահացածների թվի կողքին՝ 5017:


«Բոլսոնարուն ոչ միայն սարսափելի քաղաքական գործիչ ու վատ նախագահ է, նա նաև զզվելի մարդ է»,-թվիթերյան իր էջում գրել է նախագահի ձախաթևյան քաղաքական կողմնորոշում ունեցող հակառակորդ Մարսելո Ֆրեյշուն:

«Իմ անունը Մեսիա է (Jair Messias Bolsonaro-Խմբ.), բայց ես չեմ կարող հրաշքներ գործել»,-ասել է նախագահը` անդրադառնալով իր երկրորդ անվանը:


Մեկ այլ քննադատ նախագահի խոսքերը տեղադրել էր գերեզմանների նկարի վրա, որտեղ ամեն օր տասնյակ բրազիլացիների են թաղում:


Վերջին տվյալներով՝ Բրազիլիայում գրանցվել է կորոնավիրուսով վարակման 79 685 դեպք, վարակման հետևանքով մահացել է 5513 մարդ:



Մեկնաբանություններ

Համընկնող լուրեր