Վրաստանը հնարավոր է լինի առաջիններից մեկը, որ զբոսաշրջիկների համար կբացի սահմանները
Զբոսաշրջային ոլորտի ներկայացուցիչների հետ առցանց հանդիպումից հետո, Վրաստանի էկոնոմիկայի և կայուն զարգացման նախարար Նաթիա Թուրնավան հայտարարել է, որ Վրաստանն ակտիվորեն աշխատում է Զբոսաշրջության համաշխարհային կազմակերպության հետ, որպեսզի զբոսաշրջության շուկա խիստ ուղեցույցներ մտցնելու համատեքստում` Վրաստանը դառնա առաջիններից մեկը, որը կբացվի օտարերկրացի զբոսաշրջիկների համար:Ըստ նրա՝ հանդիպումը ներկայացուցչական էր, և քննարկվել են արդյունաբերության առջև ծառացած հիմնական մարտահրավերները, որոնք առաջացել են նոր կորոնավիրուսի համաճարակի պատճառով:
«Զբոսաշրջության ոլորտին այսօր անհրաժեշտ է որոշակի ժամանակ, որպեսզի դառնա նույնքան շահավետ և գրավիչ, որքան ճգնաժամից առաջ: Միևնույն ժամանակ, մենք շատ լավատեսորեն ենք տրամադրված, որ Վրաստանը կլինի առաջին երկրներից մեկը, ով կհաղթահարի համաճարակը և կբացի սահմանները»,- ասել է Նաթիա Թուրնավան:
