Պուտինը հաջորդ հանդիպման ժամանակ Փաշինյանին ասել է. «Մենք զարմացած էինք, որ դուք այդպես որոշեցիք՝ ԼՂ-ն ճանաչել է Ադրբեջանի մաս          Մարդը չի կարողացել անգամ արցախցիներին անվտանգ բենզին բաժանել, բայց հիմա խորհուրդ է տալիս Հայաստանին       Մենք շուտով կիմանանք, թե ովքեր են եղել Crocus City Hall-ի ահաբեկչության պատվիրատուները. փորձագետ    

04 մայիս 2020 14:13

ՀՀ վարչապետի անունից արված իր «ցուցումները» դատարանում իրագործվում են մատների արանքով եւ շատ փնթի կերպով

ՀՀ վարչապետի անունից եւ «վարչապետի աշխատակազմի տվյալներին» հղում արված հրապարակային իր «ցուցումները» առաջին ատյանի դատարանում իրագործվում են մատների արանքով եւ շատ փնթի կերպով։ Այս մասին ֆեյսբուքյան իր էջում գրել է Սուրբ Աթոռում ՀՀ նախկին դեսպան Միքայել Մինասյանի պաշտպան Միհրան Պողոսյանը։

Նա, մասնավորապես, գրել է.


«Նիկոլ Փաշինյանի խոսնակ Մանե Գեւորգյանին ցանկանում ենք հայտնել, որ ՀՀ վարչապետի անունից եւ «վարչապետի աշխատակազմի տվյալներին» հղում արված հրապարակային իր «ցուցումները» առաջին ատյանի դատարանում իրագործվում են մատների արանքով եւ շատ փնթի կերպով։


Այսպես, Սուրբ Աթոռում ՀՀ նախկին դեսպան Միքայել Մինասյանի «քաղաքական գործով» նախորդ հարցազրույցներում եւ գրառումներ նշել էինք, որ վարույթ իրականացնող մարմինը հրաժարվում է հարցաքննել պարոն Մինասյանի մեղավորությունը բացառող վկաներին՝ առանց քննության թողնելով նշված անձանց հարցաքննելու վերաբերյալ պաշտպանության կողմի բոլոր միջնորդությունները։


Այդ անձինք են՝


1. այն ընկերության աշխատակիցը, ով պարոն Մինասյանի հետ կնքված ծառայությունների մատուցման պայմանագրի հիման վրա պատասխանատու է եղել նշված հայտարարագիրը կազմելու եւ լրացնելու համար։ Դատարան եւ վարույթ իրականացնող մարմնին են ներկայացվել նշված պայմանագիրը, այն լուծելու մասին համաձայնագիրը եւ պայմանագրի շրջանակում կատարված վճարումները հավաստող փաստաթղթերը,


2. դեսպան Մինասյանի օգնականը, ով Միքայել Մինասյանին պատկանող կանխիկ դրամական միջոցները 2017 թվականի ընթացքում մուտք է արել պարոն Մինասյանի բանկային հաշվին։ Նշված կանխիկ դրամական միջոցների ձեռքբերման աղբյուրները հստակ նշված են 2017 թվականի հայտարարագրում, իսկ դրանց օրինականությունը սույն վարույթի շրջանակում որեւէ կերպ չի վիճարկվում եւ չի կարող վիճարկվել։


Նախորդ դատական նիստի ընթացքում դատարանին միջնորդել էինք քննիչից պահանջել նշված անձանց ցուցմունքները՝ հակառակ պարագայում հիմք ընդունելով Եվրոպական դատարանի նախադեպային պրակտիկան նշված անձանցից բացատրություն ստանալու նպատակով նրանց հրավիրել դատարան։


Դատական նիստի ընթացքում քննիչը եւ դատախազը հրաժարվեցին դատարանին տրամադրել նշված անձանց ցուցմունքները։ Անմիջապես հետո դատարանը մերժեց նշված անձանց դատարան հրավիրելու վերաբերյալ պաշտպանության կողմի միջնորդությունը։


Ուրեմն հարց ուղղենք Նիկոլ Փաշինյանի խոսնակ Մանե Գեւորգյանին՝ հաշվի առնելով նրա «բարձր հետաքրքրվածությունը» դեսպան Մինասյանի նկատմամբ, խնդրում եմ պարզաբանել, թե ինչ պատճառներով դատարան չեն ներկայացվում նշված անձանց ցուցմունքները»։


Մեկնաբանություններ


Համընկնող լուրեր