Արտակ Դավթյանը հրաժարվում է պաշտոնից. նա դիմում է գրել
ՀՀ զինված ուժերի գլխավոր շտաբի պետ Արտակ Դավթյանն աշխատանքից ազատվելու դիմում է ներկայացրել, գրում է armeniasputnik.am -ը։ Ամենայն հավանականությամբ, պատճառը եղել է նրա որդու հարսանիքը, որն անցկացվել է արտակարգ դրության պայմաններում։Փոխվարչապետ Ավինյանը ՊԵԿ աշխատակազմին է ներկայացրել իրենց նոր ղեկավարին
Հիշեցնենք, որ Դավթյանի որդու հարսանիքը տեղի էր ունեցել երեկ, և այդ միջոցառումը քննարկման թեմա էր դարձել սոցցանցերում։
ԶԼՄ–ները գրել էին, որ չնայած պարետի որոշմամբ սահմանված արգելքին` հարսանիքը բազմամարդ է եղել։
Դավթյանն այսօր արձագանքել էր այդ հրապարակումներին և նշել, որ բոլորն ունեն անձնական կյանքի իրավունք:
«Հորդորում եմ որոշ մարդկանց, լրատվամիջոցների չմտնել իմ և իմ ընտանիքի անձնական տարածք և փորձ չանել ինձ ներառել քաղաքական խաղերի մեջ»,- իր պարզաբանման մեջ նշել էր Դավթյանը:
