Արարատ Միրզոյանը սկսել է հմուտ խաղալ գորգի տակ՝ սեփական թիմն է հավաքում,այլ թիմերի հետ կամուրջներ է գցում.«Հրապարակ»
«Հրապարակ» թերթը գրում է. «Շաբաթ օրը հրավիրված «Իմ քայլը» խմբակցության նիստին Նիկոլ Փաշինյանն անգամ հեռահար չի մասնացել․ տեղեկացրեց ԱԺ փոխխոսնակ Ալեն Սիմոնյանը: Մեր տեղեկություններով` հիմնական քննարկման թեման եղել է ԲՀԿ-ի «ոչնչացման, խայտառակման» սցենարը, այնպես, որ նա եւս Սերժի նման մերժվի հասարակության կողմից:Բայց «Իմ քայլում» ոչ բոլորն են ձեռները քշտած այդ գործին ձեռնամուխ եղել՝ ֆրակցիայի տրոհման գործընթացը շարունակվում է: «Ընդ որում, խաղի այս փուլում առանցքային դերակատար է դառնում ԱԺ նախագահ Արարատ Միրզոյանը, որն սկսել է բավականին հմուտ խաղալ գորգի տակ, երեւի բացատրել են, որ խորհրդարանական երկրում պառլամենտի դերակատարությունն աննախադեպ է, մանավանդ, եթե Ծառուկյանի ակտիվացման ֆոնին տեղի ունենան ԱԺ վերադասավորություններ՝ «երբեք մի ասեք «երբեք»։
Այլ թիմերի հետ եւս Արարատը կամուրջներ է գցել, նա մոտ 15-20 պատգամավոր ունի իր ազդեցության դաշտում, եւ 2 կարեւոր հանձնաժողովների նախագահները նրա մտերիմներն են` Վլադիմիր Վարդանյանը եւ Նարեկ Զեյնալյանը։ Նիկոլի ընդլայնված «սեւ ցուցակի» պատգամավորները եւս մոտ-մոտ են անում ԱԺ նախագահին»,- ասաց «Իմ քայլի» մեր աղբյուրը»:
Առավել մանրամասն՝ թերթի այսօրվա համարում
