Տեսանյութ.Հիբրիդային պատերազմի հետևանքներ կան.Ժամացույցը, որ վարչապետը պատվիրել էր, եկե՞լ է, 35000 դրա՞մ, թե՞ եվրո․ Փաշինյանը՝ կեղծ լուրերի մասին
ՀՀ վարչապետի տիկին Աննա Հակոբյան ֆեյսբուքյան իր էջում գրառում է կատարել, որը ներկայացնում ենք ստորև.«Այսօր տաքսու մի վարորդ իմ ծանոթին այսպիսի պատմություն է պատմել. ինչ-որ մի երիտասարդ կին նստել է իր տաքսին և «զանգել» մի ինչ-որ տեղ ու մոտավորապես վարել այսպիսի խոսակցություն.
«Մերի Նառան է վարչապետի աշխատակազմից: Վարչապետի պատվիրած ժամացույցը եկա՞վ: Հա՞, ինչ լավ ա: 35 հազար էինք տալու չէ՞: Դոլա՞ր, թե եվրո: Օկ: Դե մարդ կուղարկեմ, փողը կտա, կվերցնի. 35 հազար դոլար»:
Վարորդին տարօրինակ է թվացել այս խոսակցությունը և ուղևորին տեղ հասցնելուց հետո ուշադիր հետևել է, թե նա ուր է գնում:
«Իսկ նա գնացել-նստել է մեկ ուրիշ տաքսի»,- գրել է Աննա Հակոբյանը:
