Խորհրդավոր սուզանավ`Ճապոնիայի տարածքային ջրերի մեձակայքում
Ճապոնիայի Ինքնապաշտպանության ուժերի զինծառայողները երկրի ափերից ոչ հեռու հայտնաբերել են խորհրդավոր սուզանավ: Ճապոնիայի պաշտպանության նախարարությունն այս մասին հայտնել է իր Twitter-յան պաշտոնական էջում, փոխանցում է «Լենտան»:Գերատեսչությունից հստակեցրել են, որ հունիսի 18-ին ճապոնական ականակիրը եւ պարեկային օդանավը Ամամիոսիմա կղզուն հարակից գոտում նկատել են անհայտ սուզանավ: Սուզանավը շարժվել է արեւմուտք: Երկու օր հետո՝ հունիսի 20-ին, այն նորից հայտնվել է Ճապոնիայի Ինքնապաշտպանության ուժերի տեսադաշտում՝ այս անգամ սուզանավը հայտնաբերել են Յոկոատե կղզուն հարակից գոտու սահմաններից դուրս:
Նախարարությունից ընդգծել են, որ սրա հետ կապված գերատեսչության ղեկավար Տարո Կոնոն կոչ է արել «հնարավոր ամեն ինչ անել զգոնության պահպանման եւ համապատասխան տեղեկություններ հավաքելու համար»:
Գերատեսչությունից չեն հստակեցրել, թե հայտնաբերված սուզանավն ում է պատկանում: Միեւնույն ժամանակ, երկրի ՊՆ-ում NHK-ի աղբյուրների տեղեկություններով՝ այն կարող է պատկանել Չինաստանին:
Հունիսի սկզբին Ճապոնիայում ԱՄՆ ԶՈՒ հրամանատար, գեներալ-լեյտենանտ Քեւին Շնայդերը հայտարարել էր, որ Չինաստանը կորոնավիրուսի համավարակը որպես քողարկում է օգտագործում տարածաշրջանում իր տարածքային հավակնություններն ակտիվացնելու համար: Նրա խոսքով՝ աշխարհում նոր ինֆեկցիայի տարածման սկզբից ի վեր, մասնավորապես, դիիտվում է Հարավչինական եւ Արեւալաչինական ծովերում չինական նավատորմի ակտիվություն:
