Կոչ ենք անում Ադրբեջանին վերադառնալ կառուցողական դաշտ և խաղաղության համաձայնագրի ստորագրման գործընթացին          Երևան-Մեղրի ճանապարհին բախվել են «Skoda»-ն ու «GAZ» բեռնատարը, կա 1 զոհ և վիրավորներ       Հայաստան բնական գազի մատակարարումը ժամանակավորապես կդադարեցվի Վրաստանում վթարի վերականգնումով պայմանավորված    

30 հուն 2020 13:52

Արդյո՞ք ԱԺ-ում եղել է հրահանգ՝ չհանձնելու թեստ և չհամալրելու վարակակիրների աճող ցուցակը

Ազգային ժողովը վերածվել է, պայմանականորեն ասած, «Գլորիա» կարի ֆաբրիկայի». վարակակիր պատգամավորները հաշվվում են երկնիշ թվով, բնականաբար կան նաև կոնտակտավորներ, իսկ խորհրդարանը, ավելի ստույգ՝ քայլականները գումարել են հերթական «կայծակնային» արտահերթը՝ Սահմանադրական կարգը տապալելիս թույլ տված մանկական իրավաբանական սխալներն ուղղելու համար։ Այս մասին Facebook-ի իր էջում գրել է «Իրավական ուղի» ՀԿ համահիմնադիր Ռուբեն Մելիքյանը:


Նա, մասնավորապես, հավելել է. «Վստահ եմ, որ կուսակցությունների եռյակի ներկայացրած՝ հանցագործության մասին հաղորդման հիման վրա մի օր քրեական գործ հարուցվելու՛ է և դրա շրջանակներում, ի թիվս այլոց, քննության առարկա են դառնալու նաև այսօրվա նստաշրջանին վերաբերող փաստերը - արդյո՞ք վարակակիրներն ավելի շատ չէին, արդյո՞ք բոլոր կոնտակտավորներն էին ինքնամեկուսացել, արդյո՞ք եղել է հրահանգ՝ չհանձնելու տեստ և չհամալրելու վարակակիրների աճող ցուցակը, արդյո՞ք եղել է հրահանգ՝ անտեսելով գործող օրենսդրությունը, չինքնամեկուսանալ, և այլն, և այլն, և այլն։


ՀԳ. Պահանջում եմ, որ Հանրապետության նախագահն այս ամոթալի փաթեթը ստորագրի ընդունումից առաջ»:


Մեկնաբանություններ


Համընկնող լուրեր