Տեսանյութ.Ֆրանսիայում մարդիկ բռնել են հրդեհվող բնակարանի պատուհանից 10 մ բարձրությունից ցած նետված երկու եղբայրներին
![](https://analitik.am/wp-content/uploads/news/2020/07/GrenobleFire-960x600-1.jpg)
Համացանցում հայտնված տեսանյութում երևում է՝ ինչպես է ավագը կրտսեր եղբորը ցած նետում մինչ կրակի լեզուները «կուլ են տալիս» պատշգամբը: Ներքևում կանգնածների բղավոցների ներքո րոպեներ անց ցատկում է նաև ավագ եղբայրը:
Նշվում է, որ երեխաները չեն տուժել, սակայն հոսպիտալացվել են շենքի ևս 17 բնակչի, ինչպես նաև իրենց փրկած 4 մարդու հետ:
Եղբայրներին փրկած մի երիտասարդ պատմել է, որ, լսելով օգնության կանչող ձայները, դուրս է եկել փողոց ու տեսել է այրվող շենքը. շուտով նրան է միացել ևս մի քանի հոգի՝ փորձելով օգնել տղաներին:
«Այլ տարբերակ չկար. մենք նրանց ասացինք, որ ցատկեն՝ թեկուզ վախենում էինք, որ չէինք կարողանա բռնել: Բայց երբ նրանք ցատկեցին, վախն անհետացավ»,-պատմել է 25-ամյա Վալիդը, որը երեխաներին բռնելու ժամանակ կոտրվածք է ստացել: