COVID_19-ի դեմ պատվաստանյութի ամենաբարձր գինը կլինի Նուբար Աֆեյանին պատկանող ընկերությանը
Հայազգի գործարար Նուբար Աֆեյանին պատկանող ամերիկյան Moderna ընկերությունը մտադիր է կորոնավիրուսի դեմ իր պատվաստանյութի գինը սահմանել 50-60 դոլար (2 դեղաչափ)․ յուրաքանչյուր դեղաչափի գինը կկազմի մոտավորապես 25-30 դոլար, գրում է Financial Times-ը՝ վկայակոչելով ընկերության մոտ կանգնած աղբյուրներին։ Միևնույն ժամանակ, այլ ընկերություններ, որոնք մշակում են կորոնավիրուսի դեմ պատվաստանյութեր, փորձում են այն վաճառել ավելի ցածր գնով: Ի տարբերություն Moderna-ի՝ ամերիկյան Pfizer-ն ԱՄՆ կառավարության հետ համաձայնել է պատվաստանյութի 2 դեղաչափը վաճառել 39 դոլարով։ Գերմանական BioNTtech-ը, որը նախորդ շաբաթ համաձայնության է եկել ԱՄՆ իշխանությունների հետ պատվաստանյութի մատակարարման վերաբերյալ, պատվաստանյութը գնահատել է 19,5 դոլարի սահմաններում: Բրիտանա-շվեդական AstraZeneca Plc ընկերությունը, որը համաձայնել է պատվաստանյութը մատակարարել Նիդերլանդներին, Գերմանիային, Ֆրանսիային և Իտալիային, գինը սահմանել է 3-4 դոլար:Թերթի աղբյուրներից մեկը նշել է, որ Moderna-ի հայցվող գինը «լուրջ դժվարություններ է առաջացնում բանակցություններում՝ հաշվի առնելով այն փաստը, որ մյուս արտադրողները խոստացել են զգալիորեն ցածր գներ»: Ինչպես նշվում է հրապարակման մեջ, այս առումով 50-60 ԱՄՆ դոլարի նպատակային գինը հավանաբար վերջնական չի լինի:
Երկուշաբթի օրը Moderna- ն հայտարարեց նոր տիպի կորոնավիրուսների դեմ փորձարարական պատվաստանյութի կլինիկական փորձարկումների երրորդ փուլին անցնելու մասին: Դրան կմասնակցի շուրջ 30 հազար կամավոր: Ինչպես ընդգծել է «Ասոշիեյթիդ պրեսս» գործակալությունը, սա աշխարհում կորոնավիրուսային պատվաստանյութերի ամենամեծ թեստն է` կամավորների քանակի առումով:
Երկուշաբթի օրը Moderna- ն հայտարարեց նոր տիպի կորոնավիրուսների դեմ փորձարարական պատվաստանյութի կլինիկական փորձարկումների երրորդ փուլին անցնելու մասին: Դրան կմասնակցի շուրջ 30 հազար կամավոր: Ինչպես ընդգծել է «Ասոշիեյթիդ պրեսս» գործակալությունը, սա աշխարհում կորոնավիրուսային պատվաստանյութերի ամենամեծ թեստն է` կամավորների քանակի առումով:
